Դիվանագետները նվերներ են հանձնել իրենց հայաստանցի երիտասարդ հայրենակիցներին
ՀԱՍԱՐԱԿՈՒԹՅՈՒՆ
russkiymir.ru–ն գրում է, որ Հայաստանում ավելի քան երկուսուկես հազար երեխա ամանօրյա նվերներ է ստացել ռուս դիվանագետներից: Այդ մասին հայտնել է Մոսկվայի հայրենակցական տան կայքը։ Մարդասիրական ակցիայի կազմակերպիչներն են եղել Ռուսաստանի Դաշնության դեսպանատունը և Գյումրիի գլխավոր հյուպատոսությունը։ Նվերների հավաքածուներ են ստացել մանկատների երեխաները, կյանքի դժվարին իրավիճակում հայտնված ընտանիքների երեխաները, ինչպես նաև երիտասարդ ռուս հայրենակիցները։ Ավանդույթի համաձայն նվերներ և շնորհավորանքներ են տրվել Դիլիջան քաղաքի մերձակայքում գտնվող Լերմոնտովո և Ֆիոլետովո մոլոկան գյուղերի երեխաներին։
Երեխաների ամանորյա տոների կազմակերպումը Հայաստանում Ռուսաստանի դեսպանատան երկարամյա բարի ավանդույթն է։ Ամեն տարի մոտ հազար մարդ հրավիրվում է Երևանի ռուսական դրամատիկական թատրոնի ամանորյա ներկայացումներին, մասնակցում մրցույթների, խաղերի, հանդիպում Ձմեռ պապի և Ձյունանուշի հետ։ Այս տարի այդ ավանդույթը ընդհատվել է կորոնավիրուսի համաճարակի պատճառով, բայց դիվանագետները հնարավորություն են գտել երեխաներին տոն նվիրել։
Նյութը հրապարակման պատրաստեց Կամո Խաչիկյանը
