Փորձագետ. Հայաստանում ստեղծված իրավիճակի պատասխանատուն անգամ նրանք են, ովքեր չեն ընտրել Փաշինյանին
ՀԱՍԱՐԱԿՈՒԹՅՈՒՆ
rossaprimavera.ru-ն գրում է, որ հայ-ադրբեջանական սահմանին ստեղծված իրավիճակը քավարան է հայ ժողովրդի համար, որը հավատալով Փաշինյանի քաղցր խոսքերին, այժմ վճարում է արյունով: Այդ մասին 24TV-ի եթերում ասել է հայ ռազմական վերլուծաբան, պաշտոնաթող գնդապետ Հայկ Նահապետյանը։
Նա ընդգծել է, որ Հայաստանի յուրաքանչյուր քաղաքացի պատասխանատու է երկրում ստեղծված իրավիճակի համար։ Փորձագետի կարծիքով մեղքը նրանում է, որ թույլ են տվել նման իրավիճակ: «Բոլորն են մեղավոր, նույնիսկ նրանք, ովքեր չեն ընտրել Փաշինյանին: Առաջին օրվանից ես ու շատերն ասում էինք, որ Փաշինյանին բերման են ենթարկել Արցախը հանձնելու համար։ Ես հաստատել և հաստատում եմ, որ Փաշինյանը ոչ անցյալում, ոչ էլ վերջին ընտրություններում չի հաղթել՝ նրան հաղթանակ են տվել։ Մենք պետք է կտրեինք այդ «նկարիչների» գրիչները։ Եվ նաև նրանց, ովքեր ձայների հաշվարկի ժամանակ անջատել են ընտրատեղամասերի լույսերը»,- ասել է նա։
Փորձագետը նաև նշել է, որ հայ-ադրբեջանական սահմանին նոյեմբերի 16-ին տեղի ունեցած մարտերից հետո ստեղծված իրավիճակը դեռևս հանգուցալուծված չէ և կարող է նույնիսկ վատթարանալ։ «Դա դեռ չի ավարտվել: Երբ Ադրբեջանն ասում է «Զանգեզուր», դա չի նշանակում միայն Սյունիքի մարզը։ Նա նկատի ունի հարավային Հայաստանի ողջ տարածքը մինչև Երասխը ներառյալ (Սյունիքի, Գեղարքունիքի, Վայոց ձորի և Արարատի մարզերի տարածքները)։ Արդյունքում կմնա փոքր հայկական անկլավ, որը կսպասարկի թուրքերին սրճարաններում, ռեստորաններում և սաունաներում»,- ընդգծել է վերլուծաբանը։ Նահապետյանը նաև ասել է, որ սահմանին սրմամբ շահագրգռվածները մտադիր են հարվածել ոչ միայն Հայաստանին, այլ նաև Ռուսաստանին։ «Ամենայն հավանականությամբ, Թուրքիան, Ադրբեջանը և նրանց բրիտանացի կուրատորները պատրաստվում են լավագույն դեպքում թողնել Հայաստան Ալեքսանդրապոլի պայմանագրով (պայմանագիր, որով Հայաստանը կորցրել է Կարսի մարզը և Էրիվան նահանգի մի մասը): Եվ, իհարկե, դուրս քշել Ռուսաստանին ու նրա ռազմաբազան այստեղից»,- ամփոփել է ռազմական փորձագետը։
Նյութը հրապարակման պատրաստեց Կամո Խաչիկյանը
