Գիտնականները գնահատել են հայտնի դեղամիջոցի արդյունավետությունը COVID-19-ի դեմ
ՀԱՍԱՐԱԿՈՒԹՅՈՒՆ
Կլինիկական փորձարկումների երրորդ փուլի ընթացքում Avigan-ն արդյունավետ չէր մեղմ եւ միջին ծանրության COVID-19-ի բուժման համար: Այս մասին ասվում է փորձարկումներն անցկացրած Appili ընկերության հայտարարության մեջ։
PRESECO-ի (PREventing SEvere COVID-19) կրկնակի կույր, պատահականացված կլինիկական փորձարկման երրորդ փուլին մասնակցել է 1231 կորոնավիրուսային վարակով հիվանդ Բրազիլիայից, Մեքսիկայից եւ Միացյալ Նահանգներից։ Նրանց բոլորին դրական ՊՇՌ թեստից ոչ ավելի, քան 72 ժամ անց առաջարկվել է ինքնուրույն դեղահաբերն ընդունել տանը՝ հետազոտողների հսկողության ներքո։
Fujifilm հոլդինգի կողմից մշակված պոպուլյար դեղամիջոցը վիճակագրորեն նշանակալի արդյունավետություն չի ցուցաբերել գնահատման հիմնական չափանիշի՝ մինչեւ կայուն կլինիկական վերականգնումը ժամանակի առումով:
«Չնայած հիասթափված ենք PRESECO-ի ուսումնասիրության արդյունքներից` մենք շարունակում ենք վստահ լինել, որ անվտանգ եւ արդյունավետ հակավիրուսային հաբերը կարեւոր են COVID-19-ի դեմ պայքարող հիվանդների համար։ Մենք ցանկանում ենք շնորհակալություն հայտնել բոլոր հիվանդներին, ովքեր մասնակցել են [հետազոտությանը] եւ հուսով ենք, որ մեր ուսումնասիրության արդյունքում ստացված տեղեկատվությունը կօգնի COVID-19-ի բուժման ավելի արդյունավետ տարբերակների գիտական հետազոտություններին»,- ասել է Appili-ի տնօրեն Արման Բալբոնին:
