Բաքվի գործոնը. Էրդողանը պայմաններ է առաջադրել Փաշինյանին հայ-թուրքական հարաբերությունների կարգավորման համար
ՀԱՍԱՐԱԿՈՒԹՅՈՒՆ
eadaily.com-ը գրում է, որ Թուրքիայի նախագահ Ռեջեփ Թայիփ Էրդողանը Ադրբեջան աշխատանքային այցի ժամանակ ասել է, որ Երևանը պետք է բարելավի հարաբերությունները Բաքվի հետ, եթե ցանկանում է կարգավորել կապերը Անկարայի հետ։
Թուրքիան և Հայաստանը դեռևս չունեն դիվանագիտական հարաբերություններ, նրանք ունեն փակ ցամաքային սահման և թշնամանքի երկար պատմություն, որի հիմքում ընկած է Առաջին համաշխարհային պատերազմի ժամանակ օսմանյան թուրքերի տիրապետության տակ գտնվող հայերի զանգվածային ոչնչացումը։ Այդ հարաբերությունները վերջին շրջանում էլ ավելի են վատթարացել կապված Ադրբեջանին Թուրքիայի աջակցության հետ, որը անցյալ տարի կռվել էր Հայաստանի դեմ Ղարաբաղում։ Հիմա Ռեջեփ Թայիփ Էրդողանը նախանշել է իր երկրի և Հայաստանի հարաբերությունների բարելավման պայմանը, որը կապել է Բաքվի գործոնի հետ։ «Եթե Հայաստանն անկեղծ բարի կամք դրսևորի Ադրբեջանի նկատմամբ, ապա Թուրքիայի և Հայաստանի միջև հարաբերությունների կարգավորման համար որևէ խոչընդոտ չի լինի», - ասել է Թուրքիայի ղեկավարը։ Նրա խոսքերով, Թուրքիան կպատասխանի Հայաստանի այն քայլերին որոնք ուղղված են տարածաշրջանում կայուն խաղաղության հաստատմանը։ Էրդողանը կիսվել է 2020 թվականի աշնանը տարածաշրջանում 44-օրյա պատերազմից հետո Հարավային Կովկասում իրավիճակի բարելավման իր տեսլականով կարճատև այցի ժամանակ այն տարածքներ, որոնք անցած տարվա ռազմական գործողությունների արդյունքում անցել են Բաքվի վերահսկողության տակ։
Հիշեցնենք, որ Թուրքիայի նախագահը սեպտեմբերի 19-ին ասել էր, որ Վրաստանի վարչապետ Իրակլի Ղարիբաշվիլիի միջոցով ստացել է ՀՀ կառավարության ղեկավար Նիկոլ Փաշինյանի անձնական հանդիպման մասին առաջարկը։ Թուրքիայի ղեկավարն այն ժամանակ շեշտել է, որ նման շփման համար հայկական կողմը պետք է «քայլեր ձեռնարկի դրսևորելով իր դրական վերաբերմունքը», և որպես այդպիսի քայլ նա նշել էր այսպես կոչված Զանգեզուրի միջանցքի տրամադրումը հայկական Սյունիքի մարզով «մայրցամաքային» Ադրբեջանի և նրա Նախիջևանի անկլավի միջև տրանսպորտային կապ ստեղծելու համար։ Մինչ այդ՝ օգոստոսի 29-ին, Էրդողանը մատնանշել էր տարածաշրջանին բաժին ընկած «պատմական շանսը» Հայաստանին առաջարկելով հարաբերությունները «աստիճանական կարգավորել»։ Ի պատասխան Թուրքիայի ղեկավարի հայտարարությունների՝ Փաշինյանը նշել է, որ «դրական ազդանշաններ» է տեսնում հարևան երկրի ղեկավարության կողմից տարածաշրջանում խաղաղության հաստատման համատեքստում։
Նյութը հրապարակման պատրաստեց Կամո Խաչիկյանը
