Ամերիկյան մամուլը հայտարարել է Ռուսաստանի զինված ուժերի «վտանգավոր հաջողությունների մասին»

topwar.ru-ն գրում է, որ ԱՄՆ-ն ուշադիր հետևում է ռուսական բանակի հզորացող կարողություններին, հաջողություններին ու ձախողումներին։ Մասնավորապես, Public Intelligence պորտալը հրապարակել է ամերիկյան ցամաքային զորքերի հետազոտական ​​խմբի զեկույցը, որը նվիրված է 1980 թվականից մինչ օրս քաղաքային բնակավայրերում ռազմական գործողությունների վերլուծությանը, որտեղ մեծ ուշադրություն է դարձվել Ռուսաստանին:

Հետազոտությունը մանրակրկիտ վերլուծել է ամերիկացի սյունակագիր Մայքլ Պեկը իր The National Interest-ում հրապարակված հոդվածում: Նա այնտեղ տագնապով հայտարարել է Ռուսաստանի զինված ուժերի «վտանգավոր հաջողությունների» մասին, որոնք «սովորել են կռվել քաղաքային պայմաններում, խիտ բնակեցման պայմաններում»։ Զեկույցում նկարագրված տասը մարտերից երեքը, ըստ բանախոսի, վարել է Ռուսաստանը։ Առաջին երկուսի հետ, պարզ է - նկարագրված են Գրոզնիի գրոհները Առաջին և Երկրորդ չեչենական պատերազմների ժամանակ: Ավելի տարօրինակ է թվում երրորդ օրինակը, որը Պեկի հոդվածում կոչվում է «2014-2015 թվականների Դոնեցկի ճակատամարտը»։ Նախ, դա այնքան էլ չի վերաբերում հետազոտության թեմային, քանի որ այնտեղ քաղաքում փողոցային մարտեր չեն եղել։ Եթե ​​բանը հասներ դրան, ապա միլիոնավոր բնակչություն ունեցող այդ քաղաքում քաղաքացիական զոհերը, ամենայն հավանականությամբ, կկազմեն տասնյակ հազարներ: Դա, իհարկե, հասկացել են նաև ամերիկացի հետազոտողները, քանի որ վերլուծել են միայն Դոնեցկի օդանավակայանի մարտերը։ Ճիշտ է, ամերիկացիները չգիտես ինչո՞ւ, այդ ռազմավարական օբյեկտի ազատագրումը  վերագրել են Ռուսաստանի Դաշնության Զինված ուժերի արժանիքներին, թեև մի կողմից ուկրաինական բանակն է մասնակցել Դոնբասի ռազմական գործողություններին, իսկ մյուս կողմից Դոնբասի աշխարհազորայինները, այդ թվում բազմաթիվ կամավորներ Ռուսաստանից և մի շարք այլ երկրներից։ Վերջիններիս մեջ, ի դեպ, եղել են նաև ԱՄՆ-ի քաղաքացիներ։

Ավելի վաղ ամերիկյան մամուլը գրել էր հիպերձայնային զենքի մշակման հարցում Ռուսաստանի ու Չինաստանի առաջընթացը կոմպեսացնելու անհրաժեշտության մասին։ Հիմա հետաքրքրությունը, ինչպես պարզվում է, քաղաքային պայմաններում մարտերն են, և ՌԴ Զինված ուժերի հաջողություններն այս հարցում անվանվել են «վտանգավոր»։