ԵԱՏՄ. Հայաստանում ստեղծվում է ադամանդի վերամշակման նոր պետական ընկերություն
ՀԱՍԱՐԱԿՈՒԹՅՈՒՆ
uvelir.info-ն գրում է, որ Մոսկվա կատարած աշխատանքային այցի ընթացքում Հայաստանի էկոնոմիկայի փոխնախարար Նարեկ Տերյանը հանդիպել է ադամանդի արդյունահանման ոլորտում աշխարհի խոշորագույն հանքարդյունաբերական ընկերություններից մեկի` ALROSA- ի ղեկավարների հետ:
Ինչպես տեղեկացնում է ՀՀ էկոնոմիկայի նախարարության մամուլի ծառայությունից, Տերյանը ALROSA- ի խորհրդի անդամ, ALROSA-United վաճառող ընկերության տնօրեն Եվգենի Ագուրեևի և ընկերության միջազգային համագործակցության բաժնի տնօրեն Պյոտր Կարակչիևի հետ հանդիպումների ժամանակ, քննարկել է ադամանդի մշակման և զարդերի ոլորտում հետագա համագործակցության արդյունավետության բարձրացման հարցերը:
Փոխնախարարը ներկայացրել է «Հայ-Ալմաստ» նորաստեղծ պետական ընկերությունը և նախատեսվող աշխատանքների իրականացման մեխանիզմը: Ծանոթանալով ներկայացված նախագծին ռուս գործընկերները պատրաստակամություն են հայտնել սկսել համագործակցությունը: Հանդիպման արդյունքում կարճ ժամանակում պայմանավորվածություն է ձեռք բերվել երկկողմ գործողությունների ճանապարհային քարտեզ կազմելու և համագործակցությանը իրավական լիցք հաղորդելու համար:
Այս տարվա հունվարին Հայաստանի էկոնոմիկայի նախարարությունը ոսկերչության և ադամանդագործության ոլորտներում տեղական ընկերությունների ներկայացուցիչների մասնակցությամբ քննարկել է ALROSA- ի ներգրավմամբ ոլորտի զարգացման հեռանկարները: Կառավարության և արտադրական ընկերությունների բաժնետիրական մասնակցությամբ առաջարկվել է ստեղծել ընկերություն, որը հանդես կգա որպես հիմնական գնորդ և կկարողանա ALROSA- ից միանգամից գնել հայկական ընկերություններին անհրաժեշտ հումքի ամբողջ խմբաքանակը: Անդրադարձ է կատարվել նաև Ռուսաստանի Գոխրանի հետ ԱԱՀ-ի հարցերին, ներմուծման-արտահանման ընթացակարգերի կարգավորման անհրաժեշտությանը և այլ հարցերի:
Նյութը հրապարակման պատրաստեց Կամո Խաչիկյանը
