Ծանոթ ու միարժամանակ անհայտ … օղի Bladov
ՀԱՍԱՐԱԿՈՒԹՅՈՒՆ
Աշխարհում օղին ունի բազմաթիվ ապրանքանիշեր և տարատեսակներ: Բայց «Blavod» օղին առանձնահատուկ է: Բանն այն է, որ առաջին անգամ օղուն հաղորդել են սև գույն: Սև օղու գյուտի պատմությունը բնորոշ չէ: Դրա գյուտարարը ոչ թե քիմիկոս կամ գինեգործ է եղել, այլ մարկետոլոգ Մարկ Դորմանը: Այդ գաղափարը մատուցողն է տվել Դորմանին նույնիսկ դրա մասին չիմանալով: Մատուցողը պարզապես հստակեցրել է Դորմանի պատվերը հարցնելով, թե արդյոք նրան բերի կաթո՞վ սուրճ, թե՞ սև սուրճ: Հետո Մարկը միտք է հղացել. «Իսկ ինչու՞ չստեղծել սև օղի»: Որպես մարկետոլոգ նա գիտակցել է, որ սև գույնը միշտ է մոդայիկ և պահանջված, և այդ գույնի օղին նոու-հաու կդառնա ալկոհոլային խմիչքների ոլորտում: Դորմանի ընտանիքն ու ընկերները աջակցել են նրան, և 1996 թվականին Մեծ Բրիտանիայում նա էվին Օլլինդժերի հետ համատեղ բրենդավորել և հիմնադրել է The Original Black Vodka ընկերությունը: Նման կերպ էլ ծնվել է սև օղին ՝ «Blavod»-ը: Թունդ ալկոհոլային ըմպելիքին մուգ գույն տալը խնդիր չէ. կոնյակի, ռոմի, լիկյորների և վիսկիի շատ տեսակներ ունեն մուգ գույն, իսկ որոշ բալզամներ հիմնականում սև են: Դժվարությունը կայանում է նրանում, որ ստացված արտադրանքը օրգանոլեպտիկ ցուցանիշների տեսանկյունից պետք է հենց օղի մնար, չունենա կողմնակի հոտ և համ, իսկ ներկանյութը չպետք է անգամ փոքր աստիճանի ներկեր բերանի խոռոչը և այլ հեղուկների խառնելիս չպղտորվեր: Այդ երանգի ալկոհոլային ըմպելիք տալու համար օգտագործվել է կատեխու ակացիայի մզվածքը: Այդ բնական ներկը բացարձակապես անհամ ու անհոտ է, ուստի գրեթե անհնար է տարբերել սովորական օղու համը սև օղու համից: Հետաքրքիր է այն, որ կատեխուն բացարձակապես չի գունավորում խմիչք օգտագործողի բերանը, բայց այն հիանալի կերպով գունավորում է հենց օղին: Ստացվել է 40% թնդությամբ թափանցիկ սև մաքուր օղի: Այն ունի նույն «սպիտակ» օղու համը, բայց գույնով հիշեցնում է նոսրացած թանաք: Օղու գույնը մաքուր սև չէ, այլ ունի թեթև կանաչավուն երանգով փայլող սև-կապույտ գույն: Ամբողջ աշխարհն է գնահատել «Blavod» սև օղին, այդ թվում՝ Ռուսաստանը: 30 դոլար պետք է վճարել մեկ լիտր նման խմիչքի համար: Ներկայումս այդ օղին Մեծ Բրիտանիայի բոլոր երիտասարդական երեկույթների Midnight Sun գերժամանակակից կոկտեյլի հիմնական բաղադրիչն է: «Blavod» օղուն նարնջի հյութ խառնելիս այն միանգամից դառնում է կանաչավուն, ջրի հետ խառնվելիս ըմպելիքի գույնը մի փոքր արծաթափայլ է դառնում, լոռամրգի հյութի հետ օղին ստանում է գեղեցիկ մանուշակագույն երանգ: Նաև այդ օղին շնորհիվ իր գույնի Ամերիկայում դարձել է Հելոուինի տոնակատարության խորհրդանիշ:
Նյութը հրապարակման պատրաստեց Կամո Խաչիկյանը
