Ինչու՞ Լոս-Անջելոսում այդքան շատ հայ կա, և որտեղի՞ց են նրանք այնտեղ հայտնվել
ՀԱՍԱՐԱԿՈՒԹՅՈՒՆ
autoparus.by-ն գրում է, որ Միացյալ Նահանգների հայ համայնքն ամենամեծերից մեկն է աշխարհում: Ավելի քան երեք միլիոն մարդ: Եվ այդ համայնքի պատմությունը սկսվել է դեռ 17 -րդ դարից, երբ առաջին հայն է ժամանել ապագա Միացյալ Նահանգներ, դա եղել է Մարտին անունով հայը Իրանից:
Իսկ ինչպե՞ս է պատահել, որ հայերը Լոս Անջելոսում են զգալի թիվ կազմում: Ամեն ինչ սկսվել է դեռ 19 -րդ դարից, երբ Իրանից և Օսմանյան կայսրությունից առաջին հայերն են ժամանել Կալիֆոռնիա: Նրանք ոսկի որոնողներ և հայտնի հայկական գորգերի առևտրականներ են եղել: Օրինակ 1889 թվականին Փաշյան եղբայրները սկսել են այնտեղ վաճառել իրենց հոյակապ գորգերը: Այդ ժամանակներում էլ առաջին հայերն են հաստատվել Խաղաղ օվկիանոսի ափին գտնվող դեռ անհայտ քաղաք Լոս Անջելոսում: Հետագայում Լոս Անջելոսում հայերի թիվը միայն աճել է: Հայերին շատ է գրավել Խաղաղ օվկիանոսի ափին գտնվող այդ ջերմ ու հյուրընկալ քաղաքը, որտեղ նրանք կարող էին հեշտությամբ սկսել իրենց շահութաբեր բիզնեսները: Արևմտյան Հայաստանի հայերը սկսել են այնտեղ ժամանել 1915 թվականի ցեղասպանությունից հետո, հետո հայեր են սկսել ժամանել Լիբանանից, Իրանից, Եվրոպայից, նախկին ԽՍՀՄ -ից և այլն: Մինչև 1923 թվականը Լոս Անջելոսի հայ համայնքը կազմել է մոտ 4 հազար մարդ: Օրինակ նման կերպ այն ժամանակ ութամյա Սերժ Թանկյանը՝ ներկայումս աշխարհահռչակ System of a Dawn հայ-ամերիկյան ռոք խմբի ապագա ղեկավարն է հայտնվել Կալիֆոռնիայում: Նրա ծնողները 1980 -ականների սկզբին Լիբանանի քաղաքացիական պատերազմից են փախել ԱՄՆ: 1990 -ականներին Բաքվի հայտնի հայ շանսոնյե Բորիս Դավիդյանն է (Բոկա) հաստատվել Լոս Անջելեսում: Այնտեղ էլ հանրահայտ երգիչը վախճանվել է 2020 թվականին:
Լոս Անջելոսն ունի հիմնականում հայերով բնակեցված տասը շրջան: Այնտեղ աշխատում է հայկական հեռուստատեսություն, տպվում են հայկական թերթեր և ամսագրեր, կան տասնյակ հայկական կաթոլիկ և առաքելական քրիստոնեական եկեղեցիներ, որոնց դռները բաց են բոլոր հավատացյալների համար: Ներկայումս Լոս Անջելոսի հայերը հաջողված գործունեություն են իրականացնում կյանքի տարբեր ոլորտներում՝ սկսած բիզնեսից մինչև ռազմական գործ: Եվ նրանք սրբորեն սիրում են իրենց պատմական հայրենիքը` Հայաստանը, անգամ եթե նրանք երբեք այնտեղ չեն եղել և լավ չգիտեն իրենց նախնիների մայրենի լեզուն` հայերենը:
Նյութը հրապարակման պատրաստեց Կամո Խաչիկյանը
