«Cannon Dance» պարի տունը ավարտել է ամառը մասշտաբային նախագծերով
ՀԱՍԱՐԱԿՈՒԹՅՈՒՆ
spbvedomosti.ru-ն գրում է, որ Նատալյա և Վադիմ Կասպարովների ղեկավարած պետերբուրգյան «Cannon Dance» պարի տունը ամառն ավարտել է երկու մասշտաբային նախագծերով:
Դրանցից է ժամանակակից պարի Open Look միջազգային փառատոնը, որը Սանկտ Պետերբուրգում անց է կացվում 23 -րդ անգամ: Փառատոնի վեց օրերն ընդգրկել են շոուների ներկայացումներ և քննարկումներ, ոչ պարային ներկայացումներ, «Ջազ պար. ճամփորդություն դեպի արմատները» վավերագրական ֆիլմի ռուսերեն պրեմիերան (ռեժիսոր Խադիֆա Վոնգ, ԱՄՆ), վարպետության դասեր և լաբորատորիա:
Յուրաքանչյուր Open Look-ն ունի բնօրինակ թեմատիկ ուղղվածություն: Երիտասարդ խորեոգրաֆները` ռուսական ժամանակակից պարի նոր սերունդն է եղել այդ փառատոնի կենտրոնում:
Պարի տան երկրորդ ամառային նախագիծը միջազգային ժամանակակից պարերի SumMeet փառատոնն է եղել (Երևան): Վադիմ Կասպարովի համար իր հայրենի Հայաստանի հետ կապը սկզբունքորեն կարևոր է. նա երկար ժամանակ է մտմտել մի այնպիսի նախագծի անցկացման գաղափար, որը կարող է ստվերից հանել հայկական տեղական պարային փորձը: Փառատոնի գեղարվեստական ղեկավարը եղել է Կասպարովների դուստրը՝ Վալերիան: Հարուստ ծրագիրը ներառել է ռուս պարուսույցների հյուրախաղեր և հայկական կոլեկտիվների ելույթներ, կինոպարային ստեղծագործություններ, վարպետության դասեր, ստեղծագործական հանդիպումներ, կլոր սեղաններ, դասախոսություններ, և վերջապես, պարային զբոսանք Երևանի փողոցներով Ֆուֆուա դը Իմոբիլիթի կողմից:
Փառատոնը բացվել է Վալերիա Կասպարովայի «Սև այգի» ներկայացման հայաստանյան պրեմիերայով: Դա վավերագրական ֆիլմ է, որը հիմնված է 30 տարի առաջ տեղի ունեցած ղարաբաղյան պատերազմի ականատես երեխաների հիշողությունների վրա: Ճշգրիտ գծած պլաստիկա փոխաբերություններում, պայքարի վերածվող գրկախառնություններ, կատարողների նվիրված խաղ` վախ, հույս, հուսահատություն, եղբայրասպան թշնամանք և վերամիավորման փորձեր, վճռականություն և ավելի լավ բանի երազանք:
Փառատոնը ներկայացրել է պարային փորձի ոլորտում հեղինակների որոնումների լայն համայնապատկերը` ֆեմինիստական դրդապատճառներից մինչև հոգեվերլուծական մտորումներ, հաշմանդամություն ունեցող մարդկանց պարային թերապիայից մինչև մնջախաղի և պլաստիկ թատրոնի հարուստ ավանդույթների վերանայում:
SumMeet- ի կազմակերպիչները երկարաժամկետ նպատակներ ունեն, որն է փառատոնը դարձնել ամենամյա իրադարձություն: Հաջորդը նախատեսված է 2022 թվականի ամռանը:
Նյութը հրապարակման պատրաստեց Կամո Խաչիկյանը
