Գիտնականները բացատրել են, թե ինչու պատվաստումից հետո որոշները իրենց վատ են զգում, իսկ որոշների «պետքն էլ չի»
ՀԱՍԱՐԱԿՈՒԹՅՈՒՆ
Kp.ru-ն գրում է, որ դա նորմալ է, երբ ինքնազգացողությունը այնքան էլ լավ չի լինում COVID-19- ի դեմ պատվաստվելուց հետո մեկ կամ երկու օր անց: Ավելին, շատ դեպքերում դա անգամ լավ նշան է:
Փորձագետներն ասում են, որ թեթև կողմնակի երևույթները, ինչպիսիք են հոգնածությունը, թեթև ջերմությունը, մկանների և ձեռքի ցավը, նորմալ նշաններ են, որ ձեր օրգանիզմը հակամարմիններ է արտադրում: Բայց այս դեպքում ի՞նչ անել, եթե պատվաստումից հետո մարդիկ որևէ ախտանիշ չունեն: Արդյո՞ք դա նշանակում է, որ պատվաստանյութը չի գործում: Իրականում ամենևին. օրգանիզմը պայքարում է արհեստական վարակի դեմ և տալիս կայուն հակամարմինային պատասխան: Դա հաստատում է JAMA Interior Medicine բժշկական գիտական ամսագրում հրապարակված ուսումնասիրությունը: Բժիշկները չափել են հակամարմինների մակարդակը իրենց գրեթե 1000 բուժաշխատողների մոտ COVID պատվաստանյութի երկրորդ դեղաչափը «վերցնելուց» երկու շաբաթ անց, այնուհետև վերահսկել են կողմնակի երևույթները: Արդյունքում պարզվել է, որ ստացողների գրեթե 100% -ը պատվաստանյութի նկատմամբ ունեն հակամարմինների ուժեղ արձագանք՝ անկախ կողմնակի երևույթներից, և անկախ նրանից, թե ինչ պատվաստանյութ է օգտագործվել: Պարզ ասած բոլոր պաշտոնապես ճանաչված COVID-19 պատվաստանյութերը բարձր արդյունավետություն ունեն մարդկանց համար անկախ նրանց տարիքից, սեռից կամ կողմնակի ազդեցություններից:
Բայց ինչու՞ են պատվաստումից հետո որոշ մարդկանց մոտ կողմնակի ազդեցություններ լինում: Ինչու՞ է մեկը ավելի վատ է զգում իրեն, իսկ մյուսը ոչ: Ըստ էության դա կախված է կոնկրետ անձի իմունային համակարգից: Որքան ուժեղ լինի անընկալությունը, այնքան ... այնքան ուժեղ կլինեն «կողմնակի ազդեցությունը»: Այո, դա ճիշտ է:
Lancet ամսագիրը հրապարակել է 627383 մարդկանց հարցման տվյալները, որոնք ստացել են տարբեր պատվաստանյութերի մեկ կամ երկու դեղաչափ: Միևնույն ժամանակ, փորձի ընթացքում գիտնականները հարցվածներին բաժանել են մի քանի կատեգորիաների, ներառյալ մարմնի զանգվածի ինդեքսի, քրոնիկ հիվանդությունների, տարիքի և կորոնավիրուսային հիվանդություն տանելու տեսակետից: Արդյունքում պարզվել է, որ պատվաստմանը ի պատասխան ամենաշատը կողմնակի ազդեցություններ արձանագրվում են երիտասարդների, կանանց և նախկինում COVID-19- ով հիվանդացածների մոտ: Ավստրալիայի Սիդնեյի համալսարանի բժշկության և հանրային առողջության դոկտոր Նիկոլաս Վուդը ասում է, որ երիտասարդների մոտ հետպատվաստումային բարդությունների հայտնելու պատճառներից մեկն այն է, որ նրանք ունեն ... ավելի ուժեղ իմունային համակարգ: Զարմանալի է, բայց դա ճիշտ է:
Ուժեղ օրգանիզմը ավելի լավ է ճանաչում պատվաստանյութը որպես օտար հակածին և ավելի ուժեղ է արձագանքում: Դա բացատրում է այն, թե ինչու են երիտասարդներն ավելի խիստ արձագանքում պատվաստանյութին: Նույնը վերաբերում է նաև կանանց. ընդհանուր առմամբ, կանանց իմունային համակարգը ավելի ուժեղ է, ուստի պատվաստման դեպքում այն անմիջապես «մոբիլիզացնում է իր ուժերը»: Մինչդեռ տարեցները իրենց ավելի երկար կյանքի ընթացքում ստանում են վարակների ավելի ու ավելի մեծ չափաբաժիններ: Հետևաբար, ըստ Ավստրալիայի Լա Տրոբ համալսարանի պրոֆեսոր Ստեֆանի Գրասի, տարեց մարդիկ կարող են պարզապես ունենալ ավելի բարձր «հանդուրժողականություն»: Բայց այն, ինչ իրականում անսպասելի է դարձել գիտնականների համար, այն է, որ մարմնի զանգվածի ինդեքսը և մարդկանց մոտ ուղեկցող հիվանդությունների առկայությունը մեծ նշանակություն չունեին հետպատվաստումային բարդությունների զարգացման գործում: Ավստրալիայի Քվինսլենդի համալսարանի իմունոլոգ Լարիսա Լաբզինան ասում է, որ չպետք է մոռանալ այնպիսի բանի մասին, ինչպիսին է գենետիկան: Երբեմն մենք չենք կարող ազդել դրա վրա, բայց դա հսկայական ազդեցություն է ունենում ընդհանուր առողջության վրա: «Անկախ նրանից, թե դուք բնածին ցիտոկիններն ավելի լավը կդարձնեք կամ ավելի վատ, շատ բան կախված է ձեր գենետիկայից»: Կողմնակի ազդեցությունները, կամ հետպատվաստումային բարդությունները օրգանիզմի իմունային պատասխանն է, որը սովորաբար զարգանում է ներարկումից որոշ ժամանակ անց, մի քանի ժամից մինչև մի քանի օր և կարող է հանգեցնել գրիպի նման ախտանիշների, ինչպիսիք են բարձր ջերմությունը, ոսկորների և մկանների ցավը կամ կարմրությունն ու այտուցը ներարկման տեղում: Այս ամենը չպետք է վախեցնի. դրանք նշան են, որ իմունային համակարգը գործում է: «Պատվաստանյութի արտադրած բորբոքային բջիջները գործում են ձեր անոթների վրա դրանք ավելի լայն դարձնելով: Այսպիսով, ավելի շատ արյուն կարող է հոսել ներարկման վայր, և այն կարող է ավելի շատ իմունային բջիջներ փոխանցել այնտեղ,- ասում է բժիշկ Լաբզինան, -ահա թե ինչու ձեռքը ուռչում է և դառնում ցավոտ»: Եթե բորբոքումը բավականաչափ ուժեղ է, իմունային համակարգը կարող է առաջացնել այնպիսի ծանր ռեակցիա, ինչպիսին է ջերմությունը: Հիշու՞մ եք դպրոցական ծրագրից. բարձր ջերմաստիճանը դժվարացնում է բակտերիաների և վիրուսների բազմացումը: Հետպատվաստումային ախտանիշները սովորաբար անհետանում են մեկ-երկու օրվա ընթացքում, քանի որ օրգանիզմի արձագանքը «ինքն իրեն սահմանափակում է»: Պատվաստման ընթացքում ներդրված վիրուսը կամ դրա մասը (տարբեր տեսակի պատվաստանյութերում) զրկված են բազմանալու ունակությունից, ուստի արձագանքը արագորեն մարում է, մինչդեռ covid- ով իսկական հիվանդության դեպքում կորոնավիրուսը, մտնելով օրգանիզմ սկսում է խելագարորեն բազմանալ և ներթափանցել հյուսվածքներ ավելի խորը: Հենց այդ ամենի մեջ է պատվաստանյութի և բնական վարակի հարուցիչի միջև առկա հիմնական տարբերությունը:
Նյութը հրապարակման պատրաստեց Կամո Խաչիկյանը
