Աշխարհի խոշորագույն ծխախոտային ընկերությունը կոչ է արել արգելել սիգարետները Բրիտանիայում
ՀԱՍԱՐԱԿՈՒԹՅՈՒՆ
rbc.ru-ն գրում է, որ աշխարհում ծխախոտի խոշորագույն Philip Morris International-ի (արտադրում է Marlboro և L&M ծխախոտներ, ինչպես նաև IQOS ծխախոտի տաքացման համակարգեր) ղեկավարությունը կողմ է Մեծ Բրիտանիայում ծխախոտի վաճառքի արգելմանը: Այս մասին The Telegraph-ին տված հարցազրույցում նշել են ընկերության խորհրդի նախագահ Անդրե Կալանցոպուլոսը և գլխավոր գործադիր տնօրեն Յացեկ Օլզակը:
«Սիգարետներին պետք է վերաբերել այնպես ինչպես բենզինային մեքենաներին և տասը տարվա ընթացքում արգելել այն», - ասել են նրանք:
Ըստ Կալանցոպուլոսի՝ ընկերությունը բարձր է գնահատում Միացյալ Թագավորության իշխանությունների «առաջադեմ» մոտեցումը կարգավորել էլեկտրոնային ծխախոտի և ծխախոտի տաքացման այլ սարքերի շուկան, որոնք նախատեսված են մարդկանց ծխելը թողնելուն նպաստելու համար: Նա կարծիք է հայտնել, որ ծխախոտի վաճառքի արգելքը «կարող է լուծումներից մեկը լինել, բայց դա բավարար չէ»:
«Մենք կարող ենք աշխարհը տեսնել առանց սիգարետի: Իրականում, որքան շուտ դա պատահի, այնքան լավ բոլորի համար»,- ասել է Օլզակը:
2019 թվականի ամռանը Բրիտանիայի կառավարությունը հասարակության առողջության բարելավման հայեցակարգ է ներկայացրել: Նրա հիմնական նպատակներից մեկը մինչև 2030 թվականն ամբողջությամբ ծխելը թողնելն է: Հայեցակարգն առաջարկում է ավելի ակտիվ օգտագործել էլեկտրոնային ծխախոտը և ծխախոտի առանց ծխի տաքացման միջոցները: Փաստաթղթի հեղինակները ելնում են այն փաստից, որ դրանք մինչև առողջության վրա իրենց ազդեցության վերաբերյալ ավելի ամբողջական ուսումնասիրությունների առկայությունը պակաս վտանգավոր են:
Վերջին մի քանի տարիների ընթացքում բրիտանացի գիտնականները կատարել են մարդու թոքերի վրա էլեկտրոնային ծխախոտի ազդեցության վերաբերյալ երկու խոշոր ուսումնասիրություն. առաջինը հրապարակվել է 2015 թվականին, երկրորդը, որը հաստատել է առաջինի արդյունքները 2018 թվականին: Երկու ուսումնասիրություններն էլ իրականացվել են երկրի մի քանի համալսարանների և Մեծ Բրիտանիայի քաղցկեղի հետազոտման կենտրոնի ներկայացուցիչների կողմից Առողջապահության Անգլիայի դեպարտամենտի հովանու ներքո: Գիտնականները հաստատել են, որ էլեկտրոնային ծխախոտը 95%-ով պակաս վտանգավոր է, քան սովորականը: Բրիտանացի փորձագետները անհամաձայնություն են հայտնել այն պնդումների հետ, որ էլեկտրոնային ծխախոտի ակտիվ տարածումն ու հանրահռչակումը կարող է հանգեցնել այն փաստին, որ նախկինում չծխած շատ երիտասարդներ սկսեն օգտագործել այն:
Նյութը հրապարակման պատրաստեց Կամո Խաչիկյանը
