Եվրոմիությունը Հարավային կովկաս կբերի շատ փող, բայց ոչ խաղաղություն․ Շարլ Միշելի հետխորհրդային տարածք իրականացրած հակասական այցի արդյունքների մասին
ՔԱՂԱՔԱԿԱՆՈՒԹՅՈՒՆ
akcent.site-ն գրում է, որ Եվրոպական խորհրդի նախագահ Չարլզ Միշելի այցը Հարավային Կովկասի երկրներ ցույց տվեց ակնհայտը. տարածաշրջանում խաղաղ կարգավորման գործընթացը տեղապտույտ է տալիս, և նոր զինված բախման սպառնալիքը ոչ միայն չի չեզոքացվել, այլ անգամ դարձել է իրական: Միայն թե այս անգամ ոչ թե Լեռնային Ղարաբաղի (Արցախի), այլ Սյունիքի (Զանգեզուր) պատճառով:
Արդեն Երևանում կայացած մամուլի ասուլիսում Չարլզ Միշելը հասկացրել է, որ տարածաշրջանում խաղաղապահ կարգավորման մեխանիզմները չեն գործում: Դիվանագետը ԵԱՀԿ Մինսկի խմբին կոչ է արել հետհակամարտային կարգավորման «պատասխանատվություն ստանձնել և լուծել հարցերը»: Դա նման է սարկազմի, քանի որ 2020 թվականի նոյեմբերի հրադադարից հետո ԵԱՀԿ Մինսկի խումբն անգործության է մատնված: Նույնը նաև այս տարվա մայիս-հունիս ամիսներին հայ-ադրբեջանական սահմանին բախումների ժամանակ:
Ելույթ ունենալով արդեն Բաքվում Միշելը սարկազմից անցել է փաստերի չոր շարադրման: Դիվանագետի խոսքով՝ Եվրոմիությունը «բացի ԵԱՀԿ Մինսկի խմբի ջանքերից, պատրաստ է կառուցողական դեր խաղալ որպես ազնիվ միջնորդ Ադրբեջանի ու Հայաստանի միջև»: Մինչդեռ, ավելի վաղ, Եվրամիությունը հավատարիմ էր այն դիրքորոշմանը, որ ԵԱՀԿ գործառույթների կրկնօրինակում չի պահանջվում:
Երևի թե հայ-ադրբեջանական սահմանին իրավիճակի արագ վատթարացումը դիվանագետին համոզել է հակառակի մեջ: Միշելի հետ հանդիպմանը Իլհամ Ալիևը հասկացրել է, որ մտադիր չէ վերադառնալ Հայաստանի հետ Ղարաբաղի կարգավիճակի շուրջ քաղաքական բանակցություններին: Ալիևը խոսել է նաև Զանգեզուրի միջանցքի ճակատագրի մասին։
Եվ այսպիսով, ինչպե՞ս կարող է Եվրոմիությունն իսկապես օգնել հակասություններով պառակտված Հարավային Կովկասին: Այդ մասին Միշելը խոսել է իր շրջագայության արդեն երրորդ օրը՝ Բաթումիում կայացած գագաթնաժողովում, որտեղ ժամանել էին Վրաստանի, Մոլդովայի և Ուկրաինայի նախագահները: Ի դեպ, գագաթնաժողովին ներկա չէին Հայաստանի ու Ադրբեջանի ղեկավարները: Մասնավորապես, Միշելը խոստացել է Հայաստանին տրամադրել 2.6 միլիարդ եվրոյի չափով ֆինանսական օգնության փաթեթ ավերված տնտեսությունը վերականգնելու համար:
Նյութը հրապարակման պատրաստեց Կամո Խաչիկյանը
