Փորձագետը բացատրել է, որ COVID-19-ով հիվանդացածները առավել զգայուն են շոգի բացասական ազդեցության նկատմամբ
ՀԱՍԱՐԱԿՈՒԹՅՈՒՆ
Tass.ru-ն գրում է, որ մարդիկ, ովքեր վերջերս ունեցել են կորոնավիրուսային վարակ, ավելի զգայուն են շոգի բացասական ազդեցությանը այն պատճառով, որ հիվանդությունից հետո նրանց օրգանիզմը դեռ ամբողջովին չի վերականգնվել: Tass.ru-ի թղթակցին այդ մասին ասել է Խոդանովի իմունոկոկորրեկցիայի բժշկական կենտրոնի տնօրեն, բժիշկ Լյուդմիլա Լապան:
«Տապը հաստատ ավելի վատ է ազդում կովիդով հիվանդների վրա, քանի որ նրանց լյարդը դեռ չի վերականգնել իր աշխատանքը: Քրտինք, թուլություն, հոգնածություն. բոլորը հիմնականում բողոքում են դրանցից», - ասել է փորձագետը: Նա խորհուրդ է տվել նրանք, ովքեր նոր են ապաքինվել կորոնավիրուսի վարակից, խուսափել շոգային ջրազրկումից, առանց գլխարկի չլքել տունը և հանգստանալ ստվերում:
«Շոգի պայմաններում ծածկիր մարմնի բոլոր բաց հատվածները, տունդ մի՛ թող առանց գլխարկի: Քեզ պաշտպանիր արևի այրվածքներից, բաց արևի տակ մի մնա: Եվ այս իրավիճակում ամենակարևորը ջուրն է, աղերի նյութափոխանակություն, այսինքն երիկամների, սրտի և թոքերի աշխատանքը վերականգնելու համար պետք է շատ հեղուկներ օգտագործել, ընդ որում ջուր պետք է խմել փոքր կումերով, դանդաղ, նախընտրելի է օրական երկու լիտր: Մենք շատ ենք քրտնում շոգից, և կարևոր է, որ ջրազրկում չլինի, քանի որ հենց ջրազրկվելը սկսվում է, թունավորում է սկսվում, բնականաբար վիճակը վատթարանում է», - զգուշացրել է Լապան:
Կորոնավիրուսից հետո, ըստ նրա, կարելի է լողալ, եթե մարդն իրեն լավ է զգում:
«Ես միշտ ասում եմ. ամեն ինչ կարելի է, եթե մարդը առողջ է, ունի բացասական թեստ և իրեն լավ է զգում: Եթե իրեն վատ է զգում, ապա ջերմաստիճանային կոնտրաստը վատ է», - ընդգծել է բժիշկը: Օդորակիչ օգտագործելիս ջերմաստիճանի տատանումների վտանգների մասին հարցին նա նշել է, որ այն պետք է ճիշտ կազմակերպվի:
«Օդորակիչը պետք է ճիշտ դրվի՝ 24 աստիճանի վրա: Այդ ժամանակ ցուրտ չի լինում, բայց լինում է նորմալ ջերմաստիճան, օրգանիզմը այդ ջերմաստիճանը բավականին ադեկվատ է ընկալում և մարդը չի կարող հիվանդանալ նման ջերմաստիճանում», - ասել է նա:
Երբ խոսք է գնում բացօթյա գործունեության մասին, ապա բժիշկը խորհուրդ է տալիս հանգստանալ ստվերում և խոնավ անձեռոցիկ օգտագործել հովացման համար:
«Նույնիսկ եթե ինչ որ տեղ ենք և ստվերում, միևնույն է, ցանկալի է, որ ձեզ հետ բամբակյա սրբիչ ունենաք և թրջեք այն ջրով, քամեք և գցեք վրաներդ, բայց այնպես, որ չմրսեք, բոլորը գիտեն ցրտի ու տապի նենգությունը, ամեն ինչ պետք է մանրակրկիտ արվի», - ասել է նա:
Նյութը հրապարակման պատրաստեց Կամո Խաչիկյանը
