Սկանդալային հայտնի չինովնիկը հիմա էլ կղեկավարի Հայաստանի Քննչական կոմիտեն
ՔԱՂԱՔԱԿԱՆՈՒԹՅՈՒՆ
tsargrad.tv-ն գրում է, որ 30-ամյա Արգիշտի Քարամյանը կրկին բարձր պաշտոն է ստացել Հայաստանում: Նիկոլ Փաշինյանի իշխանության գալուց ի վեր վերջին երեք տարվա ընթացքում դա նրա տասներորդ նշանակումն է պետական համակարգում: Այժմ նա նշանակվել է Հայաստանի Քննչական կոմիտեի ղեկավար Հայկ Գրիգորյանի փոխարեն, որն անսպասելիորեն հրաժարական է տվել: Նոր նշանակումը տեղի է ունեցել իրավապահ մարմինների աշխատակիցների կտրուկ ակտիվացման ֆոնին` կապված ընդդիմության հայտնի ներկայացուցիչների, մասնավորապես` գործող իշխանություններին հակադրվող քաղաքների քաղաքապետերի քրեական հետապնդման հետ:
Ի միջի այլոց, Քարամյանին հաջողվել է ծառայել որպես Պետական վերահսկողական ծառայության պետ, որը «թավշյա հեղափոխությունից» հետո ստեղծված կոռուպցիայի դեմ պայքարի կառույց է, և նույնիսկ Ազգային անվտանգության ծառայության տնօրեն, որտեղ միավորված են բոլոր հայկական հատուկ ծառայությունները: Հենց ԱԱԾ-ի պետի պաշտոնից է նա անսպասելիորեն հեռացվել Ղարաբաղում վերջերս տեղի ունեցած պատերազմի թեժ պահին, որտեղ նա գործուղված էր գաղտնի առաքելությամբ: Մամուլում տեղ գտած բազմաթիվ հրապարակումներում Արգիշտի Քարամյանին մեղադրում են պատերազմի օրերին հակահետախուզության ուղղությամբ ձախողումների և խոշոր ռազմական գործողություններից մեկում անհաջողությունների մեջ ներգրավված լինելու մեջ, որի արդյունքում հայկական կողմը կրել է մեծ կորուստներ: Նա, եթե հավատանք հայկական լրատվամիջոցներում տեղ գտած հրապարակումներին, առանձնանում է արտահայտված արևմտամետ հայացքներով:
Նյութը հրապարակման պատրաստեց Կամո Խաչիկյանը
