Ի՞նչ տեսք ունի ներկայումս միկրոավտոբուսներ արտադրող Երևանի ավտոգործարանը, և ի՞նչ են այնտեղ արտադրում
ՀԱՍԱՐԱԿՈՒԹՅՈՒՆ
car.ru-ն գրում է, որ ԽՍՀՄ-ում եղել են ավտոգործարաններ, որոնք բեռնատար ֆուրգոններ են արտադրել: Դրանց թվում էր «ԵրԱԶ»-ը: Ի՞նչ է այժմ հայտնի այդ ձեռնարկության մասին:
Ընկերության պատմությունը սկիզբ է առել 60-ականների կեսերից: Այն ժամանակ Խորհրդային Միության ղեկավարության հրահանգին համապատասխան, որոշվել է ստեղծել ցածր տոննաժային ծածկված բեռնատարների արտադրության ձեռնարկություն: Եղել է «ՌԱՖ»-ը, բայց դրա կարողությունները բավարար չէին երկրի աճող կարիքները բավարարելու համար:
Կովկասի տարածաշրջանը թեթև բեռնատարներով տնտեսապես բավարարելու համար ընտրվել է Հայաստանը: Արդյունքում, «ԵրԱԶ-762»-ը դարձել է գործարանի առաջին և ամենատարածված մոդելը: Փաստացի, դա փոփոխված «ՌԱՖ-977» ֆուրգոն էր:
Այնուամենայնիվ, դա չի արվել առանց կառուցողական նորամուծությունների: Կողային դուռը մնացել է մի կողմում, և ավելացվել է միջնապատ, որը ծառայել է որպես կայունացուցիչ:
«ԵրԱԶ-762»-ը 30 տարի դուրս է եկել հոսքագծից` 1966 թվականից մինչև 1996 թվականները: Բայց ԳԱԶ-21-ի վրա հիմնված բազան բարոյապես հնացած էր: Մեքենայի որակը այնքան էլ լավը չէր: Փոխանցումների տուփը նույնիսկ նոր մեքենաներում ամենալավ որակի չէին, իսկ շահագործման ընթացքում նման խնդիրները միայն ավելանում էին:
1980-ականներին գործարանում ստեղծվել են 3218 և 3730 համարների մոդելներ, որոնց արտադրությունը հնարավոր էր սկսել միայն 90-ականներին, բայց մոդելները պահանջարկ չեն ունեցել: Արդյունքում գործարանը տխուր ճակատագրի է արժանացել: 2002 թվականին ընկերությունը ճանաչվել է սնանկ, արտադրությունը կրճատվել է: Մնացել են ընդամենը մի քանի արհեստանոցներ, որոնք իրենց տեսքով հիշեցնում են լքված արդյունաբերական գոտին:
Նյութը հրապարակման պատրաստեց Կամո Խաչիկյանը
