Դիտողները սիրում են նրանց, որոնք ռինգ են դուրս գալիս կռվելու համար. բռնցքամարտիկ Հայկ Շահնազարյան
ՍՊՈՐՏ
kuban24.tv-ն գրում է, որ Սոչիում հունիսի 25-ին Կրասնոդարի բնակիչ Հայկ Շահնազարյանը մենամարտ կանցկացնի Սոչիի բնակիչ Վահե Սարուխանյանի հետ: Կուբանի մայրաքաղաքի բռնցքամարտիկը իր կարիերայում տարել է 24 հաղթանակ և կրել 4 պարտություն: Բռնցքամարտիկը 20 անգամ լքել է ռինգը որպես հաղթող, երկու անգամ պարտվել է:
Բռնցքամարտի սիրահարները Հայկ Շահնազարյանին անվանում են «հումանոիդ»: Այդ մականունը նրան տվել է Սամարայի առաջին մարզիչը: Պատանի բռնցքամարտիկին գործողության մեջ փորձարկելու համար դաստիարակը նրա հետ մենամարտի է ուղարկել այլ քաշային կարգի մրցակիցների և արդյունքները զարմանալի են եղել: «Նրանք կշռում էին 80 կգ, 90 կգ, իսկ ես 61 կգ: Եվ պատկերացնո՞ւմ եք, ես հետ չեմ քաշվել, առաջ եմ գնացել: Երբ ես սկսեցի բռնցքամարտել նրանց հետ, նրանք չկարողացան հասնել իմ արագությանը: Մարզիչը գալիս է և ասում. «Դու մարդ չես, դու հումանոիդ ես», - պատմել է բռնցքամարտիկ Հայկ Շահնազարյանը:
Հայկը բռնցքամարտով սկսել է զբաղվել վեց տարեկանից նրա ընտանիքի Հայաստանից Ռուսաստան տեղափոխվելուց անմիջապես հետո: Նա սկսել է սովորել իր երկվորյակ եղբոր՝ Կարենի հետ: Կարենը երկար ժամանակ ՝է ինչ լքել է սպորտը, բայց Հայկը մնացել է և շուտով դուրս եկել սիրողական ռինգից: 19 տարեկանում Շահնազարյանն անց է կացրել իր առաջին մենամարտը պրոֆեսիոնալ մակարդակում և այդ ժամանակից ի վեր արդեն հասցրել է փոխել մարտավարությունը:
«Նախկինում ինձ դուր էր գալիս աշխատել նահանջի վրա՝ պատասխան հարված հասցնելով, քանի որ լավ ռեֆլեքս ունեմ, հարմարվող եմ: Իսկ հիմա ես տեսնում եմ, հատկապես Ամերիկա այցելելուց հետո, որ մարդիկ, հանդիսատեսները սիրում են նրանց, ովքեր գնում են կռվելու, ջարդելու», - ասել է Հայկը:
Իր մասնագիտական կարիերայի սկզբում Շահնազարյանը տարել է 15 հաղթանակ, իսկ 16-րդ մենամարտում սայթաքել: Դա նրա դեբյուտային մրցումն էր ամերիկյան հողում ընդդեմ մեքսիկացի Աբներ Լոպեսի: Նույն 2015 թվականին եղել է հերթական ֆիասկոն արդեն ռուս մարտիկ Էդուարդ Տրոյանովսկուց: Սակայն անհաջողությունները չեն կոտրել հայ բռնցքամարտիկին: Սև շրջանից հետո նա ունեցել է ութ մաքուր հաղթանակ, ներառյալ մինչ այժմ ամենահիշարժանը՝ Ֆեոդոր Փափազովի նկատմամբ:
«Այդ ժամանակ ոչ ոք չէր հավատում, որ ես դա կարող եմ: Նա համարվում էր ֆավորիտ, բայց ես գիտեի, որ դուրս կգամ և կհաղթեմ: Ամեն ինչ ավարտվեց դատավորների հավասար որոշմամբ: Ես նրա հետ 12 ռաունդ կռվեցի, և կարծում եմ, որ դա արժանի մենամարտ էր», - նշել է Շահնազարյանը:
Վեց ամիս առաջ Շահխնազարյանը տեղափոխվել է Կուբանի մայրաքաղաք, տեղափոխել է իր ընտանիքը, բնակարան գնել և այժմ ներկայացնում է Կրասնոդարի երկրամասը: Այս կարգավիճակում, հունիսի վերջին, Հայկը Սոչիում առաջին կմենամարտի տեղի մարզիկ Վահե Սարուխանյանի դեմ:
«Երբ 25-ը գա, մենք գեղեցիկ պայքար ենք ցույց տալու: Ես հիմա վերապատրաստման գործընթաց ունեմ: Ես մտածում եմ միայն մարզման, շարժումների, ինչպես նաև ճիշտ պատրաստվելու, ճիշտ ուտելու մասին », - ասել է Հայկ Շահնազարյանը:
Այժմ Շախնազարյանը 27 տարեկան է: Բռնցքամարտի չափանիշներով՝ դա կյանքի գագաթնակետն է: Հայկը երազում է դառնալ աշխարհի չեմպիոն: Սոչիում Սարուխանյանի նկատմամբ տարած հաղթանակը մեկ քայլով կմոտեցնի նրան իր նվիրական նպատակին:
Նյութը հրապարակման պատրաստեց Կամո Խաչիկյանը
