Պատմության այս օրը (հունիսի 15)

ՈՐՈՇ ՏՈՆԵՐ - Հայաստան՝ պետական խորհրդանիշների օր, Ադրբեջան՝ Ազգային փրկության օր, Կոստա Ռիկա՝ Ծառատնկման օր, Ղրղզստան՝ Հրշեջների օր, Կորեայի Հանրապետություն՝ Գյուղատնտեսության օր, Ճապոնիա՝ Սաննո Մացուի փառատոն:

ՀԱՅԱՍՏԱՆՈՒՄ

1899 - ծնվել է հայ խորհրդային նկարիչ-արձանագործ Երվանդ Քոչարը:

1912 - ծնվել է կենսաքիմիկոս Գագիկ Հովակիմյանը:

1915 – Կ. Պոլսում կախաղան է բարձրացվել հայ ազգային-ազատագրական շարժման գործիչ, գրող, Սոցիալ-դեմոկրատական հնչակյան կուսակցության անդամ Փարամազը` Մատթես Սարգիսյանը։

1918 - օսմանյան Թուրքիան իրականացրել է քուրդ-եզիդների ցեղասպանություն:

1921 - վերջնականապես համոզվելով, որ Զանգեզուր երկրամասն անցնելու է խորհրդային Հայաստանին, Նժդեհը անցել է Իրան։

1935 – տեղի է ունեցել հայկական առաջին հնչյունային ֆիլմի` «Պեպոյի» պրեմիերան։

1957 - ծնվել է նկարչուհի, Հայաստանի վաստակավոր նկարիչ Թենի Վարդանյանը:

1978 - վախճանվել է արձակագիր, մանկագիր Արաքսը (Արաքս Ավետիսյան):

1988 - Հայկական ԽՍՀ Գերագույն խորհուրդը տվել է իր համաձայնությունը Լեռնային Ղարաբաղի ինքնավար մարզը իր կազմ ընդունելու և այդ առիթով դիմել է ԽՍՍՀ Գերագույն խորհրդին:

1992 - ավարտվել է հայկական ռազմաօդային ուժերի ձևավորման գործընթացը։

1993 - Ադրբեջանի խորհրդարանի նախագահ է դարձել Հեյդար Ալիևը։

 2006 - ԵԱՀԿ Մինսկի խմբի նոր համանախագահ է նշանակվել ԱՄՆ-ի պետքարտուղարի Եվրոպայի և Կենտրոնական Ասիայի հարցերով տեղակալի օգնական Մեթյու Բրայզան:

2005 - Արցախում կայացել են խորհրդարանական ընտրություններ։

2006 – ընդունվել է Հայաստանի զինանշանի մասին նոր օրենքը։ 

2007 - «Օրինաց երկիր» կուսակցության առաջնորդ Արթուր Բաղդասարյանը ընտրվել է «Օրինաց երկիր» խմբակցության ղեկավար:

2009 - հայաստանաբնակ իրանցիները ցույց են կազմակերպել Երևանում Իրանի Իսլամական Հանրապետության դեսպանատան դիմաց` բողոքելով Իրանում անցկացված նախագահական ընտրությունների պաշտոնական արդյունքներից:

2011 - Մինաս Ավետիսյանի որմնանկարները Գյումրիից Երևան տեղափոխելու շուրջ ստորագրահավաք է նախաձեռնվել, որտեղ պահանջվում էր նկարչի 4 որմնանկարները վերադարձնել:

2017 - «Երևանյան հեռանկարներ» միջազգային երաժշտական փառատոնի շրջանակներում «Արամ Խաչատրյան» համերգասրահում հանդես է եկել Չայկովսկու անվան Մեծ սիմֆոնիկ նվագախումբը՝ աշխարհահռչակ դիրիժոր, 85-ամյա Վլադիմիր Ֆեդոսեևի ղեկավարությամբ:

2018 - Վճռաբեկ դատարանն ազատ է արձակել առաջին ատյանի կողմից վեց տարվա ազատազրկման դատապարտված Սամվել Բաբայանին:

ԱՇԽԱՐՀՈՒՄ

313 - Բյուզանդիայի թագավոր Կոնստանտինը հայտարարել է խղճի ազատություն և հրամայել է քրիստոնյաներին վերադարձնել բռնագրավված ունեցվածքը:

1215 – Անգլիայի թագավոր Հովհաննես 1-ին Անհողի կողմից ստորագրվել է մի փաստաթուղթ, որը հետագայում դարձել է Մեծ Բրիտանիայի սահմանադրական-օրենսդրական հիմնարար փաստաթղթերից մեկը:

1389 - Կոսովյան դաշտում տեղի ունեցած ճակատամարտում սերբական բանակը պարտություն է կրել սուլթան Մուրադ Առաջինի բանակից, սերբերի առաջնորդ Լազարը սպանվել է:

1502 - Կոլոմբոսը հայտնագործել է Մարտինիկա կղզին:

1580 - Ֆրենսիս Դրեյկի շուրջերկրային ճանապարհորդություն իրականացնող արշավախումբը անցել է Բարեհուսո հրվանդանը:

1667 - ֆրանսիացի բժիշկ Ժան-Բատիստ Դենին իրականացրել է առաջին հաջողված արյան փոխներարկումը՝ 15-ամյա տղային փոխներարկել է գառան արյուն:

1836 - Արկանզասը դարձել է ԱՄՆ-ի քսանհինգերորդ նահանգը:

1844 - Չարլզ Գուդիերը արտոնագրել է ռետինի վուլկանացումը:

1851 - կաթնագործ Ջեկոբ Ֆուսսելը Բալթիմորում հիմնել է աշխարհում առաջին պաղպաղակի ֆաբրիկան:

1869 - Նյու –Յորքում Ջոն Խայատը արտոնագրել է ցելլյուլոիդը:

1896 - ճապոնիայի Սանրիկայի մոտ տեղի ունեցած ստորջրյա երկրաշարժի արդյունքում առաջացած հսկայական ցունամի-ալիքը սրբել ծովն է լցրել ավելի քան 10 000 շինություն և 27 000 մարդ:

1924 - Ֆորդ ընկերության հոսքագծից դուրս է եկել 10 միլիոներորդ մեքենան:

1932 - սկսվել է պատերազմ Բոլիվիայի և Պարագվայի միջև:

1954 թ. – ստեղծվեց Եվրոպական ֆուտբոլային ասոցիացիաների միությունը` ՈՒԵՖԱ-ն։

1946 - ծնվել է հույն երգիչ Դեմիս Ռուսոսը:

1985 - էրմիտաժում Ռեմբրանտի Դանայա կտավը փչացրել են ծծմբական թթվով:

1996 – վախճանվել է ամերիկացի հայտնի ջազային երգչուհի Էլլա Ֆիցջերալդը։


Նյութը հրապարակման պատրաստեց Կամո Խաչիկյանը

www.1or.am