Գիտնականները համեմատել են կորոնավիրուսի դեմ պատվաստանյութի արդյունավետությունը կանանց և տղամարդկանց համար
ՀԱՍԱՐԱԿՈՒԹՅՈՒՆ
Lenta.ru-ն գրում է, որ Կորոնավիրուսի պատվաստանյութերը կանանց համար կարող են պակաս արդյունավետ լինել, քան տղամարդկանց համար: Այդ մասին հայտնել է Business Insider հրատարակությունը` հղում անելով կլինիկական փորձարկումների նոր տվյալները:
Գիտնականները պարզել են, որ Pfizer պատվաստանյութի արդյունավետությունը տղամարդկանց մոտ կազմում է 96,4 տոկոս, իսկ կանանց մոտ 93,7 տոկոս: Միևնույն ժամանակ, Moderna-ն 95,4 տոկոսով արդյունավետ է տղամարդկանց համար և 93,1 տոկոսով կանանց համար: Տարբերությունը տեսանելի է նաև Johnson & Johnson-ի դեղամիջոցն օգտագործելիս: Պատվաստումը տղամարդկանց մոտ նվազեցնում է ծանր հիվանդության զարգացման վտանգը 68,8 տոկոսով, իսկ կանանց մոտ 63,4 տոկոսով:
Ըստ Ջոն Հոփքինսի անվան կանանց առողջության, սեռական և գենդերային հետազոտությունների կենտրոնի համանախագահ Սաբրա Քլայնի ուսումնասիրության` արդյունքները «որոշակիորեն տարակուսելի են»: Նա նշել է, որ կանայք սովորաբար ունենում են ավելի ուժեղ իմունային պատասխան պատվաստանյութերից: Նրա կարծիքով, այս արդյունքների պատճառը կարող է լինել էստրոգենի ավելի բարձր մակարդակը: Միևնույն ժամանակ, նա չի բացառել, որ կա ևս մեկ այլ բացատրություն: Մասնավորապես, ներկայումս ավելի շատ կանայք, քան տղամարդիկ են պատվաստվում COVID-19-ի դեմ: Բացի այդ, կանանց մոտ ախտանիշների առկայության դեպքում ավելի շատ է կատարվում կորոնավիրուսի թեստավորում: Պատճառը կարող է լինել նաև տարիքը: Ըստ ուսումնասիրության` մարդիկ, ովքեր հիվանդացել են COVID-19-ի դեմ պատվաստվելուց հետո 47-ից 70 տարեկան են: Ընդ որում կանանց մեծամասնության մոտ մենապաուզան սկսվում է 40-ից 60 տարեկան հասակում, և հենց դրանով էլ կարող է որոշակիորեն բացատրել պատվաստանյութի արդյունավետության նվազեցմանը: Այնուամենայնիվ, ինչպես նշում է փորձագետը, առանց լրացուցիչ հետազոտության դժվար է նշել որոշակի պատճառ, թե ինչո՞ւ կա պատվաստանյութերի արդյունավետության նման տարբերություն:
Նյութը հրապարակման պատրաստեց Կամո Խաչիկյանը
