Հայաստանում կառավարման ճգնաժամը պատերազմ սկսելու պատճառներից էր. Ռոբերտ Քոչարյան

Այսպես թե այնպես Հայաստանում ընտրություններին մոտ 40 տոկոսը չի մասնակցում, դա արտառոց թիվ չի: Այս մասին առողջապահության ոլորտի ներկայացուցիչների հետ մայիսի 18-ին տեղի ունեցած հանդիպման ժամանակ նշեց ՀՀ երկրորդ նախագահ Ռոբերտ Քոչարյանը:

«Մենք շահագրգռված ենք, որ մարդիկ ավելի ակտիվ լինեն,մասնակցեն ընտրություններին: Դա մեր քարոզչությունն է, որ տանում ենք: Մոտիվացիան ակտիվ աշխատանքն է»,-ասաց նա:

Անդրադառնալով կառավարման խնդրին, Քոչարյանն ասաց, որ այստեղ կա լրջագույն խնդիր. «Ես դա գնութագրում եմ որպես կառավարման ճգնաժամ: Եթե նույնիսկ խաղաղ պայմաններում կա այդպիսի պրոբլեմ, ճգնաժամային պայմաններում դա ուղղակի տիեզերական մասշտաբի խնդիր է դառնում: Ի դեպ, սա պատերազմ սկսելու պատճառներից մեկն էր, որովհետեւ մեր հակառակորդը ուղղակի հասկացել է, որ գործ ունի մի իշխանության հետ, որն ի վիճակի չ արդյունավետ ճգնաժամային կառավարում իրականացնել: Իրենց ֆունկցիան, որ փայլուն կատարել են, սեփական ժողովրդի դեզինֆորմացիան է 44 օր:

Ինչ օրենք ուզում ես գրի, եթե իշխանական համակարգում տիրում է ագրեսիվ տգիտությունը, փորձելու են շրջանցել: Ճիշտը օրենսդրորերն սահմանփակելն է, որ ամեն մարդ չգա եւ իր տգիտության մակարդակին համահունչ քայլեր ձեռնարկի: Մենքտեսնում ենք, թե ինչ է նշանակում 88 ձայն խորհրդարանում եւ բեսպրեդել կյանքում»,-ասաց Քոչարյանը:

Նրա խոսքով, խնդրի լավագույն ձեւը սեստեմի մարդ ընտրելն է, որովհետեւ եթե երկրի առաջին դեմքը տգետ, սուտասան մարդ է, ինչ էլ անես, օրենքը շրջանցելու են. «Մարդիկ պետք է հասկանան, թե նման ընտրությունն ինչ հետեւանքների է բերում»: