Հայաստանի վարչապետը ցույց տվեց, թե ինչպիսին չպետք է լինի երկրի ղեկավարը
ՔԱՂԱՔԱԿԱՆՈՒԹՅՈՒՆ
Թուրքիայի հետ սահմանների բացման մասին իշխանությունների հայտարարությունների, սպասվող արտահերթ ընտրությունների և ՀՀ ներքաղաքական իրավիճակի հետ կապված 1or.am կայքը զրուցել է Գերմանիայում բնակվող մեր հայրենակցուհու` Աննա Մակիչյան հետ։
- Ինչի՞ կարող է հանգեցնել Թուրքիայի և Հայաստանի միջև սահմանի բացումը:
— Սահմանի բացումը միայն այն ժամանակ պետք է լինի, երբ Թուրքիան ճանաչի ցեղասպանությունը և մեր պետությունների հարաբերությունները հավասարը հավասարի պես լինեն։ Նախ առաջինը Թուրքիան շարունակում է զինել Ադրբեջանին, և պարզ է արդեն թե ում դեմ։ Այս 44 օրյա պատերազմը ցույց տվեց, որ դա ոչ մի հեռանկար չունի։
- Թուրքիայի հետ հարաբերությունների բարելավման մասին ,կարծես թե անընդմեջ խոսում են միայն իշխանական թիմի ներկայացուցիչները։ Ի՞նչ եք կարծում, հնարավո՞ր է՝ այդ թեման բարձրաձայնվում է ժողովրդին այդ մտքին քիչ-քիչ ադապտացնելու համար:
— Իշխանության սեփական քայլերի արդյունքում ստեղծված խայտառակությունները իշխանությունը շպրտում է այս և այն կողմ։ Վարչապետը և իր կուսակցությունը ուզում են մնալ իշխանության, իմ կարծիքով միայն իրենց կաշին փրկելու համար, որովհետև նրանք կանգնելու են հայոց դատարանի առաջ։ Այդ իշխանությունը իրականացնում է թուրքական ծրագիրը և բերում են անհեթեթ թեզեր, որոնցից է նաև ադապտացումը թուրք ժողովրդի հետ, որոնք վկայում են նաև, որ այսօր թուրքերը ուրիշ են, և մենք այս պատերազմի ժամանակ տեսանք, թե ոնց են ուրիշ և տեսանք նրանց մոտեցումները Հայաստանի և հայ ազգի նկատմամբ։
- Ի՞նչ ազդեցություն կունենա Թուրքիայի հետ սահմանի բացումը Հայաստանի տնտեսության վրա։ Ի՞նչ ռիսկեր եք տեսնում։
— Եթե մեր տնտեսությունը, որի մոտ 50-60 տոկոսը գյուղատնտեսությունն է, իհարկե, գյուղացին չի կարողանա վաճառել իր միրգն ու բանջարեղենը, որովհետև Թուրքիայից կբերվեն էժան միրգ և բանջարեղեն։ Պատկերը ավելի պարզ է երևում, երբ տեսնում ես Վրաստանի և Աջարիայի տնտեսության վիճակը, որի 80 տոկոսը արդեն Թուրքիայի ձեռքում է, այսինքն ամբողջ ներդումներով և ամեն ինչով այդ երկու երկրները գրեթե կառավարվում են Թուրքիայի կողմից։ Իսկ եթե սահմանները բացվեն Թուրքիան կանի նաև ներդրումներ, և մի քանի տարի հետո Հայաստանն էլ տնտեսություն չի ունենա։ Այսինքն նա կուլ կտա ողջ Անդրկովկասը։
- Իշխանությունները վստահ են, որ հունիսի 20-ին կայանալիք արտահերթ խորհրդարանական ընտրություններում հաղթելու են, քանի որ վստահ են՝ դեռ վայելում են հասարակության վստահությունը և կարող են հավաքել բավարար ձայներ։ Եթե այնպես ստացվի, որ առաջիկա արտահերթ խորհրդարանական ընտրություններում գործող իշխանություններն օգտագործեն վարչական ռեսուրս՝ իրենց դիրքը պահելու համար, ի՞նչ քայլերի եք դիմելու դուք՝ դրսում գտնվող հայերդ։
— Ես վստահ եմ, որ այս իշխանությունը կօգտագործի վարչական ռեսուրս և չեմ էլ կասկածում։ Ինչ վերաբերում է դրսում գտնվող հայերիս, ապա հույսով եմ, որ ոմանց աչքերը արդեն բացվել է և Հայաստանի վարչապետը ցույց տվեց, թե ինչպիսին չպետք է լինի երկրի ղեկավարը և նա կարող է միայն լավ ստել և չի դադարում ստելուց։ Ինչպես ասում էր հաղթելու ենք, որը բերեց կապիտուլյացիայի և մեր պետականության հեղինակազրկման և առանց որևէ իրավասության ստորագրեց։ Նա չի կարողանում անգամ գերիների հետ կապված խնդիրները լուծել, իսկ նոյեմբերի 10-ից սկսած մեծ ինտուզիազմով նվիրում էր մեր հողերը այսպես կոչված բանավոր պայմանավորվածությամբ։ Ոչ կոմպիտենդ է, չունի ոչ մի մասնագիտական բազա մեր երկիրը կառավարելու համար։ Դրսի հայերը պետք է բոլորը մասնակցեն ընտրություններին և կոնկրետ հայոց պետականության կողմն եմ և վստահում եմ Ռոբերտ Քոչարյանին, ով բառից բուն իմաստով պետական այր է։ Ես չեմ ուզում անձնավորել որևէ մեկին և ինձ համար կարևորը իմ Հայաստանն է, իմ հայ ազգն է։ Իմ կուռքը, իմ ամեն ինչը իմ Հայաստանն ու իմ հայ ազգն է։ Աստված պահապան։
Սոնա Գիշյան
