Նշվել են ռուսական «Իսկանդերների» գլխավոր հակառակորդները
ՄԻՋԱԶԳԱՅԻՆ
charter97.org-ը գրում է, որ ռուսական «Իսկանդեր-Է» օպերատիվ-մարտավարական հրթիռային համակարգիերի արտաքին մրցակիցներն են ամերիկյան MGM-140 բանակային մարտավարական հրթիռային համակարգերը, իսրայելական LOG-Range հրետանային բալիստիկ հրթիռային համակարգերը և չինական SY-400 c BP-12A հրթիռները: Այս մասին գրել է lenta.ru-ն:
Հրապարակման մեջ վերջինը՝ չինականը, կոչվում է ռուսական զենքի իրական «անմիջական մրցակից»:
«Ռուսական համալիրի հավանական մրցակիցը կարող է դառնալ նաև նրա լրիվ անոլոգ հանդիսացող կորեական հրթիռը», - գրել է թերթը կորեական հրթիռային համակարգի մասին հիշեցնելով, որ «միջազգային պատժամիջոցների պատճառով, այն լիարժեք մրցակցությունից շուտով դուրս կգա»:
Հրապարակումը նշում է, որ իրենց սեփական հրթիռային համակարգերն են մշակվում Թուրքիայում: Մասնավորապես, որպես Bora- ի արտահանման տարբերակ նշվում է KHAN-ը:
«Թուրքիայում կա նաև J-600T Yıldırım ժամանակակից համակարգ, որը, որոշակի պայմաններում, կարող է նաև զբաղեցնել իր ուրույն տեղը շուկայում և մրցակցել մեր համակարգերի հետ», - ասել է թերթը:
Հրապարակումը նշում է, որ Բելառուսում չինական A-200 համալիրի հիման վրա արտադրվում է հեռահար բազմակի արձակման B-200 «Պոլոնեզ» հրթիռային համակարգեր:
«Եվ վերջապես, նոր հեռահար զենիթահրթիռային համակարգերը, ընդհանուր առմամբ, ավելի ու ավելի լուրջ մրցակիցներ են դառնում տակտիկական հրթիռային համակարգերի համար», - նշել է թերթը:
2020 թվականի նոյեմբերին The Drive հրատարակությունը հայտնել էր, որ Հայաստանի և Ադրբեջանի միջև հրադադարի պայմանագրի կնքումից մի քանի ժամ առաջ Երևանն առաջին անգամ օգտագործել է «Իսկանդեր» հրթիռ: Նույն տարվա հոկտեմբերին նույն հրատարակությունը գրել էր, որ Ադրբեջանն առաջին անգամ գործի է դրել LORA օպերատիվ-մարտավարական հրթիռային համակարգ, որը մշակվել է Israel Aircraft Industries (IAI) իսրայելական ընկերության կողմից:
Նյութը հրապարակման պատրաստեց Կամո Խաչիկյանը
