Ժամը 17-ից հետո ուտելու մասին 5 գլխավոր մոլորությունները
ՀԱՍԱՐԱԿՈՒԹՅՈՒՆ
Նիհարող մարդիկ շատ մոլորություններ ունեն երեկոյան 5-ից հետո ուտելու վերաբերյալ: Ամերիկացի սննդաբան Ռեյչել Փոլը անվանել է դրանցից առավել տարածվածները:
Instagram-ի իր էջում մասնագետը նշել է, որ շատ մարդիկ չափազանց թեթեւ են ընթրում եւ հաճույք չեն ստանում ուտելիքից: Նա առաջարկել է ուտեստներին ավելի շատ համեմունքներ եւ թեթեւ սոուսներ ավելացնել, ինչպես նաեւ հիմնական ուտեստի հետ աղցան մատուցել:
Սննդաբանն ընդգծել է, որ շատերն ընթրիքի ժամանակ թերսնվում են, եւ դա նույնպես սխալ է: Պետք չէ շատ ուտել, սակայն ընթրիքի մեջ պետք է ներառել սպիտակուցներ, բանջարեղեն եւ բուսական ճարպեր:
Մասնագետը նաեւ նշել է, որ երեկոյան լրիվ կարելի է քաղցր բան ուտել, եթե այն տեղավորվում է կալորիաների չափի մեջ: Դրա համար խորհուրդ է տրվում հաշվել կալորիաները՝ նախապես հասկանալու համար, թե որքան եւ ինչ տեսակի աղանդեր կարող եք ձեզ թույլ տալ:
Նաեւ, ըստ սննդաբանի, չափազանց կարեւոր է նույն ժամին պառկել քնելու եւ հետեւել ռեժիմին, այլ ոչ թե գիշերը ժամերով սերիալներ նայել: Նա պնդում է, որ դա վատ է անդրադառնում ինքնազգացողության վրա եւ կարող է հաջորդ օրը ստիպել ինչ-որ անառողջ բան ուտել:
Վերջապես, դիետոլոգը հորդորել է ինքներդ ձեզ սովի չմատնեք, եթե նախորդ օրը չափից շատ եք կերել:
«Մի ընկեք «շատ եմ ուտում - ինձ ամեն ինչ արգելում եմ» ցիկլի մեջ: Դա ոչ մի լավ բանի չի հանգեցնի»,- ամփոփել է Փոլը:
