Իրանը հայտարարել է, որ ձերբակալել է «իսրաելական լրտեսի»
ՄԻՋԱԶԳԱՅԻՆ
detaly.co.il-ն գրում է, որ Իրանում ձերբակալել են «իսրայելական լրտես»-ի և մի քանի այլ անձանց, ովքեր իբր կապված են օտարերկրյա հետախուզական ծառայությունների հետ: Այս մասին պետական հեռուստատեսությամբ ապրիլի 5-ին հայտնել է Իրանի պետական լրատվական գործակալությունը:
«Իսրայելի լրտեսը ձերբակալվել է Իրանի Արևելյան Ադրբեջան նահանգում: Ձերբակալվել են նաև այլ լրտեսներ, որոնք կապեր են ունեցել մի քանի երկրների հետախուզական ծառայությունների հետ», - գործակալությանը մեջբերել է Իրանի գաղտնի ծառայության իր աղբյուրի խոսքը:
Նշված չէ, թե արդյո՞ք ձերբակալված անձը Իսրայելի, Իրանի կամ որևէ այլ երկրի քաղաքացիություն ունի: Հաղորդվում է, որ նա ձերբակալվել է Հայաստանի և Ադրբեջանի հետ Իրանի արևելյան սահմանի մոտ: Պետք է նշել, որ Իրանի իշխանություններին բնորոշ է օտարերկրացիներին, երբեմն երկքաղաքացիություն ունեցող իրանցիներին, ձերբակալելը և նրանց «լրտեսության» մեջ մեղադրելը ի օգուտ որևէ արևմտյան հետախուզական ծառայության: Հետագայում Իրանը ձերբակալված անձանց որպես «մանրադրամ» է օգտագործում Արևմուտքում ահաբեկչության համար ազատազրկման դատապարտված Իրանի քաղաքացիների հետ փոխանակման բանակցություններում: 2020 թվականի նոյեմբերին Թեհրանը Իսրայելին մեղադրել է իրանական միջուկային ծրագրի «հայր» ֆիզիկոս Մոհսեն Ֆախրիզադեին սպանելու մեջ: Այդ ժամանակվանից ի վեր Իրանում ձերբակալվել են մի քանի կասկածյալներ այդ գործին մասնակցության համար:
Նյութը հրապարակման պատրաստեց Կամո Խաչիկյանը
