Թուրքիայի հաջորդ վարչապետը կդառնա Բինալի Յըլդըրըմը
ՀԱՍԱՐԱԿՈՒԹՅՈՒՆ
Թուրքիայի իշխող «Արդարություն և զարգացում» կուսակցության (ԱԶԿ) խոսնակ Օմեր Չելիքը հայտարարել է, որ կուսակցության նոր ղեկավարի և վարչապետի իրենց թեկնածուն տրանսպորտի, ծովագնացության և հաղոդակցման նախարար Բինալի Յըլդըրըմն է: Այս մասին տեղեկացնում է թուրքական «Հուրիեթ» պարբերականը:
Իր խոսում Յըլըդըրըմն ասել է, որ իր համար մեծ պատիվ է կուսակցության ղեկավարի պաշտոնում առաջադրվելը: Նա շնորհակալություն է հայտնել Ահմեդ Դավութօղլուին մինչ օրս կատարած աշխատանքների համար: Ապագա վարչապետը խոստացել է պայքարել երկրում ահաբեկչության իսպառ վերացման ուղղությամբ:
Մայիսի 22-ին տեղի կունենա ԱԶԿ արտահերթ համագումարը, որի ժամանակ Յըլդըրըմը պաշտոնապես կընտրվի որպես կուսակցության նախագահ և վարչապետ:
Թուրքիայի վարչապետ Ահմեթ Դավութօղլուն մայիսի 4-իերեկոյան հայտարարել է, որ ԱԶԿ-ի արտահերթհամագումարում չի առաջադրվելու կուսակցության ղեկավարիպաշտոնում, ինչն ինքնին ենթադրում է, որ նա այլևս չի լինելու այդ երկրի վարչապետ:
Էրդողանի և Դավութօղլուի միջև հակասություններն սկսվել են Էրդողանի՝ Թուրքիայի նախագահ դառնալուց հետո, երբ վերջինս ոչ մի կերպ չիցանկանում հետևել երկրի սահմանադրական պահանջին և ցանկանում է շարունակել միայնակ կառավարել Թուրքիան:
Էրդողան-Դավութօղլու ճգնաժամը գագաթնակետին է հասել Եվրամիությանը Թուրքիայի անդամակցության, Մերձավոր Արևելքի հետ կապվածխնդիրներում, սիրիացի փախստականների հետ կապված ԵՄ հետ պայմանավորվածություններում անհամաձայնությունների պատճառով: Բացիայդ, Էրդողանի կամայական որոշումով կառավարության անդամներին նշանակելու սահմանադրական լիազորությունը վարչապետից խլվել ևփոխանցվել է ԱԶԿ-ի վար չական խորհրդին, ինչը նշանակում է, որ Էրդողանը նրանից խլել է այդ լիազորությունը ևս:
Թուրք քաղաքական վերլուծաբաններն ընթացող զարգացումներն անվանել են «մայիսի չորսի նախագահական հեղաշրջում»:
