Գոհար Ավետիսյանի հարսանիքն Ադրբեջանում սկանդալ է առաջացրել (լուսանկարներ)
ԱՄԵՆԱԸՆԹԵՐՑՎԱԾ
Wnews.am-ը գրում է.
Ծագումով ադրբեջանցի ռուս ոճաբան Նազիլյա Մեհդիեւան Երեւանում մասնակցել է Մոսկվայում հայ հայտնի դիմահարդար Գոհար Ավետիսյանի հարսանեկան արարողությանը, ինչն էլ Ադրբեջանում սկանդալ է առաջացրել։
Ոճաբանը սոցիալական ցանցի իր էջում գրառում է կատարել՝ ուղղված իրեն քննադատողներին.
«Բարի լույս բոլորին։ Իմ գրառումը նվիրում եմ սկանդալներին, ինտրիգներին ու հետազոտություններին։ Ես չգիտեի, որ բուռն արձագանքի կարժանանամ ադրբեջանցիների եւ ադրբեջանական ԶԼՄ-ների կողմից։ Բոլորին միանգամից պատասխանեմ. ես ծնվել եմ Ռուսաստանում եւ ունեմ ՌԴ քաղաքացիություն։ Կարող եմ մեկնել ինչպես Ադրբեջան, այնպես էլ Հայաստան եւ ոչ ոք ոչինչ չի կարող ասել, ամեն ինչ հանգիստ ու լավ է, ոչինչ պետք չէ հորինել։ Ես կարող էի չանել այս գրառումը, պարզապես նյարդայնացրեց, որ դուք անդրադառնում եք իմ ընտանիքին, երեխաներին։ Այո, ես զտարյուն ադրբեջանցի եմ, իսկ այն, որ ձեզ զայրացրել է ընկերուհուս հարսանիքին Երեւան մեկնելը, չեմ կարող հասկանալ, ի՞նչ կա դրանում։ Իսկ ինչու՞ եք լռում, երբ այնտեղ են մեկնում քաղաքական գործիչներ, մարզիկներ եւ սովորական մարդիկ։
Հանդարտվեք, կրկես մի սարքեք, չէ որ դուք մարդիկ եք, ոչ թե ոչխարների հոտ , ավելի բարի եղեք, ունեցեք ձեր կարծիքը, կախված մի եղեք քաղաքականությունից։
Ինչ եք խոսում. ինչ տարբերություն, թե ես որտեղ եւ ինչու եմ մեկնել։ Ապրեք ձեր կյանքով։ Այն, որ այնտեղ եմ մեկնել, իմ իրավունքն է։ Դա իմ ընկերուհու հարսանիքն է, կներեք, բայց ինձ թվում է, որ այնքան ցածր է ընտրել ընկերներին՝ ելնելով իրենց ազգային պատկանելությունից։ Եթե նա լավ մարդ է, սակայն հայուհի է, ուրեմն վե՞րջ, նրա հետ չի՞ կարելի ընկերություն անել, նա զինվորների՞ է սպանել։ Վերջացրեք։ Բոլորս ենք մեր ազգերի միջեւ խաղաղություն, բարություն կամենում։ Իսկ դուք, չիմանալով ինձ՝ վիրավորում եք։ Ինքներդ կարդացեք, թե ինչ եք գրել։ Ես այնքան վատն եմ, որ ընկերուհուս հարսանիքին Երեւան եմ գնացել, իսկ դուք բոլորդ այնքան լա՞վն եք։ Սկզբում տեսեք, թե ինչպիսի կեղտ է հոսում ձեր կողմից։ Հուսամ՝ բոլորին հասավ, հանդարտվե’ք արդեն»։
