Ադրբեջանական ԶԼՄ-ները փորձում են քաղաքականացնել Եվրատեսիլ մրցույթը քարոզչական նպատակներով
ՀԱՍԱՐԱԿՈՒԹՅՈՒՆ
infoteka24.ru-ն գրում է, որ Եվրատեսիլ երգի մրցույթին մասնակցող երգչուհի Էֆենդիի կատարմամբ համացանցում տեսահոլովակի թողարկումից հետո տարբեր երկրների ներկայացուցիչների արձագանքից հետո ադրբեջանական լրատվամիջոցները գրել են, որ, իբր, հայ քննադատ Միկոն ասել է, որ «հույս ունի, որ ապագայում որոշակի առաջընթաց կտեսնի, ցավոք, շատ բան կա, որ երկու երկրները և նրանց ժողովուրդները կարող են անել միմյանց համար, իսկ նրանք ովքեր տառապում են, հասարակ մարդիկ են, ոչ ոք արժանի չէ դրան»:
Սակայն, ինչպես կարելի է տեսնել համացանցում Հայաստանի ներկայացուցիչը ոչինչ չի ասում Հայաստանի և Ադրբեջանի քաղաքական հարաբերությունների մասին և քննարկում է միայն բուն երգը: Ի դեպ, նրան շատ է դուր եկել այդ երգը, հատկապես գործիքային մասը, և Միկոն այդ մոտիվներն անվանել է համակովկասյան, մինչդեռ հայկական ազգային նվագարան զուռնան է հստակ լսվում երգում: Միգուցե քննադատը չի ցանկացել սրել հակամարտությունը և նրբանկատորեն ակնարկել է այդ հանգամանքի մասին, բայց ադրբեջանցի լրագրողներն ավելի հեռուն են գնացել: Երևի թե Հայաստանի այդ ներկայացուցիչը ոչ միայն պետք է անկեղծ ասեր, որ Ադրբեջանը լկտիորեն յուրացնում է հայկական մշակույթը, այլ նաև հիշեցներ, որ այդ երգչուհին մի քանի ամիս առաջ կոչ էր անում ոչնչացնել հայերին, վիրավորում էր նրանց էթնիկական հողի վրա և այդ ամենը անում էր հրապարակավ:
Հիշեցնենք, որ Chenge.org կայքում կա մի խնդրագիր, որը պահանջում է մերժել «Եվրատեսիլ-2021»-ին Ադրբեջանի մասնակցությունը, սակայն մրցույթի կազմակերպիչների կողմից դեռ ոչ մի արձագանք չի եղել: Ավելի վաղ նման իրավիճակ էր ստեղծվել ադրբեջանական «Կարաբախ» ֆուտբոլային ակումբի մամուլի քարտուղար Նուրլան Իբրահիմովի հետ, որը ՈՒԵՖԱ-ի կողմից հեռացվել էր ֆուտբոլի հետ կապված գործունեությունից ընդմիշտ: Հույս կա, որ նման որոշում կկայացվի նաև քսենոֆոբ երգչուհու նկատմամբ:
Նյութը հրապարակման պատրաստեց Կամո Խաչիկյանը
