Կործանիչներ առանց հրթիռների․ ինչու՞ են հայկական Су-30 СМ-երը պատերազմը դիմավորել «մերկ»
ՀԱՍԱՐԱԿՈՒԹՅՈՒՆ
aif.ru-ն գրում է, որ Հայաստանի վարչապետ Նիկոլ Փաշինյանը կրկին «կպել» է ռուսական զենքին: Նա ասել է, որ 4 ժամանակակից Су-30 СМ կործանիչները, որոնք ձեռք են բերվել մեկ տարի առաջ գործնականում եղել են ոչ մարտական: Արդյո՞ք դա այդպես է։ Նրա այն նախկին հայտարարությունը, որ ռուսական «Իսկանդեր» օպերատիվ-մարտավարական հրթիռները պայթում են «ընդամենը 10%-ով» ցույց է տալիս, որ Հայաստանի վարչապետին դժվար է համարել ռազմատեխնիկական տեղեկատվության հուսալի աղբյուր: Այնուամենայնիվ, այս դեպքում երևում է, որ նա ճիշտ է: Բայց Փաշինյանը կարող է միայն իրեն մեղադրել այն բանի համար, որ Լեռնային Ղարաբաղի վերջին պատերազմի ժամանակ ժամանակակից կործանիչները ոչ մի կերպ չեն կարողացել օգնել հետևակին:
«Անկախ Հայաստանը երբեք կործանիչ ինքնաթիռներ չի ունեցել, - aif.ru-ին ասել է ռազմական փորձագետ Միխայիլ Բարաբանովը, - այսինքն չի եղել ժամանակակից ավիացիոն այնպիսի զինամթերք, ինչպիսիք են «օդ-օդ» և «օդ-երկիր» դասի կառավարվող հրթիռները: Այսինքն հայկական Су-30 СМ-ները ունակ են եղել նետել ազատ անկման ռումբեր և օդային պարեկություն իրականացնել պատերազմի տարիներին, բայց դա նման է մանրադիտակով մեխ մեխելուն: Բանն այն է, որ կործանիչների հետ զինամթերք չի գնվել, քանի որ դրա գնումը բավականին մեծ ծախսեր է պահանջում, որը համեմատելի է կործանիչի արժեքի հետ: Այսինքն սպառազինության գնումը հետաձգվել է ավելի լավ ժամանակների համար, որոնք դեռ չեն եկել»:
Ի դեպ, այդ առանց հրթիռների կործանիչները գնվել են Փաշինյանի օրոք: Կործանիչներին նա անձամբ է դիմավորել Էրեբունի օդանավակայանում, և չափազանց հպարտ է եղել այդ ձեռքբերմամբ: Երկրի գլխավոր շտաբի նախկին պետ Մովսես Հակոբյանը ժամանակին նախազգուշացրել է, որ առանց հրթիռների կործանիչները քիչ օգտակար կլինեն: Ճիշտ է, չգիտես ինչու նա ասել է, որ Су-30 СМ-ի համար հրթիռների արտահանումն արգելված է Ռուսաստանի օրենսդրությամբ, ինչը ճիշտ չէ: Մեկ տասնյակ երկրներ են շահագործում են այդ ինքնաթիռները, ներառյալ Հնդկաստանը, Չինաստանը, Անգոլան, Բելառուսը և Մալայզիան և նրանցից ոչ ոք չի բողոքել հրթիռների բացակայությունից:
Նյութը հրապարակման պատրաստեց Կամո Խաչիկյանը
