Քիմ Քարդաշյանը Քանյե Ուեսթին խանդում է Բեյոնսեի հանդեպ. հայուհին կարող է բաժանվել ամուսնուց

Style.news.am-ը գրում է.

Այս ինչ տարի է... Ով չի ծուլանում, վիճում ու բաժանվում է: 

Համացանցում բուռն քննարկում են Քանյե Ուեսթի՝ հիվանդանոց ընկնելու պատճառները:
39-ամյա ռեփերի ախտորոշումն է՝ հյուծում: Երաժիշտն այժմ Լոս Անջելեսի հիվանդանոցներից մեկում է, ուր Նյու Յորքից եկել է նաեւ Քիմ Քարդաշյանը: 

Միաժամանակ, Քանյե Ուեսթի երկրպագունները սոցցանցերում #PrayForKanye հեշթեգն են գործարկել եւ կոչ արել աղոթել ռեփերի համար:

Սակայն բազմաթիվ աղբյուրներ նրա նյարդային խանգարման տարբեր վարկածներ են նշում. հյուծում, Քանյեի մոր մահվան տարելից, ինչպես նաեւ Քիմի հետ հարաբերություններում խնդիրներ:

Ասում են՝ Քիմն ու Քանյեն վերջին շրջանում շատ են վիճում:

«Քիմը հոգնել է Քանյեի պահվածքից: Նա պարզապես անկառավարելի է: Բացի այդ, Բեյոնսեի եւ Ջեյ Զիի վրա նրա «հարձակումից» հետո Քիմը նրան խանդում է երգչուհու հանդեպ, քանի որ Քանյեն շատ է մտածում Բեյոնսեի մասին:

Նյու Յորք մեկնելուց առաջ Քիմը վիճել է Քանյեի հետ՝ հայտարարելով, որ նա պետք է մեծանա եւ հասուն տղամարդ դառնա: Մի քանի ժամ անց Քանյեն վատացել է:

Քիմն ասում էր, որ չի ուզում, որպեսզի Քանյեն համերգային շրջագայության մեկնի: Նա ուզում է, որպեսզի Քանյեն իր կողքին լինի:

Քիմը նաեւ տանջվում է, քանի որ կասկածում է, արդյո՞ք այն տղամարդն է իր կողքին, որի հետ երազում էր լինել:
Իսկ Քանյեն ծանր է ընդունել փաստը, որ Փարիզում Քիմին կողոպտելուց հետո ո՛չ Բեյոնսեն, ո՛չ Ջեյ Զին չեն հետաքրքրվել, թե ինչպես են իր եւ Քիմի գործերը:

Հիմա Քիմը մտածում է՝ ինչ անել հետո, քանի որ Ֆրանսիայից վերադառնալուց հետո Քանյեին խնդրել է չշարունակել համերգային շրջագայությունը: Բայց Քանյեն այլ որոշում է կայացրել, եւ դա վերջին կաթիլն էր Քիմի համար»,- նշել է աղբյուրը: