ՌԴ Անվտանգության դաշնային ծառայությունն ահաբեկչությունն է կանխել

Անվտանգության դաշնային ծառայության (ԱԴԾ) աշխատակիցները ձերբակալել են Ռուսաստանում արգելված «Իսլամական պետություն» (ԻՊ) ահաբեկչական կազմակերպության կողմնակցին, որն ահաբեկչական գործողությունն Էր պատրաստում Ադիգեայում մարդկանց զանգվածային կուտակման վայրերում: Մարտի 17-ին այդ մասին ՏԱՍՍ-ին հայտնել են ԱԴԾ-ի Հասարակական կապերի կենտրոնում (ՀԿԿ), տեղեկացնում Է «Արմեպրես»-ը:

«Անվտանգության դաշնային ծառայությունն Ադիգեայի Հանրապետության տարածքում ձերբակալել Է Կենտրոնական Ասիայի տարածաշրջանից սերածի, որն ահաբեկչական գործողություն Էր նախապատրաստում քաղաքացիների զանգվածային կուտակման վայրերում»,- նշել են ՀՀԿ-ում:

Ձերբակալվածի բնակության հասցեում հայտնաբերել են խոցող տարրերով ինքնաշեն պայթուցիկ սարքի պատրաստման բաղադրիչներ, ԻՊ միջազգային ահաբեկչական կազմակերպության դրոշ, ինչպես նաև Մայկոպի քարտեզը՝ ահաբեկչական նպատակների օբյեկտներով: Բացի դրանից, տղամարդուց առգրավել են կապի միջոցներ, որոնք բովանդակում են զգալի քանակությամբ ահաբեկչական կոնտենտ, ահաբեկչության միջոցների պատրաստման ինտերնետ-հրահանգներ, ինչպես նաև կեղծ միգրացիոն փաստաթղթեր:

Նրա նկատմամբ հարուցվել Է քրեական գործ ՌԴ-ի Քրեական օրենսգրքի 30-րդ հոդվածի 1-ին մասով, 205-րդ հոդվածի 1-ին մասով (ահաբեկչական գործողության նախապատրաստում): Ձերբակալվածն ինքն արդեն տվել Է խոստովանական ցուցմունքներ: Նա ահաբեկչական գործողություն Էր պատրաստում Մայկոպի առևտրի կենտրոններից մեկում: