Գարնանային բարձրացում. բժիշկները սպասում են COVID-19-ով կրկնակի վարակումներ
ՀԱՍԱՐԱԿՈՒԹՅՈՒՆ
gazeta.ru-ն գրում է, որ ռուս բժիշկներն ակնկալում են գարնան կեսին COVID-19 հիվանդության աճ: Այդ մասին գրել է ՌԻԱ Նովոստին՝ վկայակոչելով վարակաբաններին: Ինչպես նշել է «Լիդեր» բժշկական կենտրոնի գլխավոր բժիշկ, ինֆեկցիոնիստ Եվգենի Տիմակովը COVID-19- ի դեպքերի աճի վրա ազդող գործոնների շարքում է կորոնավիրուսի նկատմամբ անընկալության նվազումը այն անձանց շրջանում, ովքեր արդեն տառապել են դրանով մեղմ կամ ասիմպտոմատիկ տեսքով: Բժշկի խոսքով` «մեկ տարի առաջ հիվանդացած մարդկանց համար կրկին հիվանդանալու հնարավորություն կլինի»: Բժիշկն ընդգծել է, որ նրանցից շատերը, ովքեր տարել են մեղմ կամ ասիմպտոմատիկ կովիդ սովորաբար չեն դիմել բժշկական հաստատություններ վախենալով մեկուսանալուց: Արդյունքում, անցած տարվա վիճակագրությունը կարող է ճշգրիտ չլինել:
«Երկրորդ հարցն այն է, որ գարնանը տեղի է ունենում սեզոնային հիվանդացության սովորական աճ, ինչը նույնպես իջեցնում է անընկալությունը, օդը նպաստում է կորոնավիրուսային վարակի փոխանցմանը, քանի որ խոնավությունը համատեղվում է որոշակի ջերմաստիճանի հետ: Այստեղ խոսք է գնում Ռուսաստանի միջին գոտու մասին, բացի դա ձմռանից հետո մարդկանց մոտ տեղի է ունենում իմունիտետի ստանդարտ անկում», - ասել է վարակաբանը ենթադրելով, որ անընկալության նվազումը կլինի մայիսի վերջին:
Տիմակովի հետ համաձայն է RUDN համալսարանի ինֆեկցիոն հիվանդությունների ամբիոնի դոցենտ Սերգեյ Վոզնեսենսկին: Միևնույն ժամանակ, նա հույս է հայտնել, որ «մինչև ապրիլ-մայիս ամիսները դեպքերը կնվազեն», քանի որ «պատվաստվածների թիվն օրեցօր ավելանում է»: Մասնագետը չի բացառել, որ կորոնավիրուսի վերաբերյալ վիճակագրությունը կմնա մոտավորապես նույն մակարդակի վրա, քանի որ «կան մարդիկ, ովքեր չեն հանդիպել վիրուսին»:
Ավելի վաղ, Ռուսաստանի Դաշնության փոխվարչապետ Տատյանա Գոլիկովան ասել էր, որ ընդհանուր առմամբ Ռուսաստանում գրանցվում է դեպքերի կայուն անկում: Ինչպես նշել է նա, ներկայումս վերջին տարիների ամենացածր տեմպերից մեկն է: Գոլիկովան շեշտել է, որ չնայած դրական վիճակագրությանը, կարևոր է շարունակել պահպանել կորոնավիրուսի կանխարգելման միջոցառումները:
«Մենք պետք է պահպանենք այդ սահմանափակիչ միջոցառումներին մինչև ազգաբնակչության անընկալության ձեռքբերումը, որը կլինի պատվաստումների միջոցով և, ցավոք, բնական հիվանդությամբ», - ասել է կառավարության անդամներից մեկը:
Ինչպես նշել են ռուս բժիշկները, կոլեկտիվ անընկալությունը կստացվի, երբ երկրի չափահաս բնակչության 60-70%-ը ունենա վիրուսի դեմ հակամարմիններ` պատվաստումների միջոցով կամ բնական ճանապարհով ստացված:
Նյութը հրապարակման պատրաստեց Կամո Խաչիկյանը
