Մոսկվան լռեցրե՞ց Նիկոլ Փաշինյանին
ՔԱՂԱՔԱԿԱՆՈՒԹՅՈՒՆ
Ըստ 1or.am-ի տեղեկությունների՝ հստակ և հատուկ հրահանգ է իջեցվել Կրեմլից ՀՀ վարչապետ Նիկոլ Փաշինյանին, ըստ որի Փաշինյանը պետք է լռություն պահպանի ՀՀ երկրորդ նախագահ Ռոբերտ Քոչարյանի մասին և այդ լռությունը չպետք է խախտվի ոչ մի պարագայում՝ անկախ նրանից, թե Հայաստանում ինչպիսին է ներքաղաքական իրավիճակը, անկախ այն բանից, թե փողոցային ինչ բառամթերքով ու արտահայտություններով են վիրավորում և վարկաբեկում ներկայիս իշխանություններին։
Երևի Մոսկվայից իջեցված ներկուլիսային հրահանգն է պատճառը, որ Փաշինյանը անարձագանք է թողել Քոչարյանի՝ վերջերս ռուսական առաջատար լրատվամիջոցներին տված հարցազրույցներում իր մասին հնչեցված բավականին կոշտ արտահայտությունները։
Հավանաբար Փաշինյանը արդեն գիտակցում է այն իրողությունը, որ ինքը ոչ միայն անզոր է Քոչարյանի դեմ պայքարում, այլ նաև լծակներ չունի ոչ Մոսկվայում, ոչ ՀԱՊԿ-ում, ոչ էլ առհասարակ այլ երկրներում։ Նա այսօր Հայաստանում էլ իջեցրել է իր վարկանիշի սանդղակը։ Փաշինյանը դարձե՞լ է ավելի լուռ ու անտարբեր իր մասին հնչեցված քննադատությունների, վիրավորանքների նկատմամբ, թե պարզապես իր հնարավորություններն են դարձել սահմանափակ և նա այլ ճանապարհներով է փորձում պատասխանել իր անձի մասին հնչող վիրավորանքներին, կամ փորձում է նոր օրենքների միջոցով իրեն զերծ պահել քննադատություններից։
Այլ կերպ ասած կապանքների մեջ է դնում ազատ խոսքը։
Ինչ վերաբերում է Ռոբերտ Քոչարյանի նկատմամբ ընթացող դատական պրոցեսին, ապա այն այսօր իմիտացիոն բնույթ ունի, քանի որ վարչապետը ինքն էլ գիտակցում է, որ ամեն ինչ արդեն վաղուց ավարտվել է և չգիտի, թե այդ թեման ինչպես փակի, քանի որ այնքան շատ խոստում է տվել, որոնք կատարել այսօր անկարող է։
Նիկոլ Փաշինյանը այլևս չի կարող պատասխանել Քոչարյանի կողմից իրեն քննադատող հայտարարություններին, որոշ պատգամավորներ, ովքեր ինչ-որ կերպ փորձում են դիպչել Ռոբերտ Քոչարյանի անվանը, ապա Մոսկվան շուտով իրենց էլ կլռեցնի, քանի որ պարզից էլ պարզ է, որ այդ մարդկանց հետևում Նիկոլ Փաշինյանն է։
Սոնա Գիշյան
