Ինչո՞վ է օգտակար կարկադեով թեյը
ՀԱՍԱՐԱԿՈՒԹՅՈՒՆ
Հիբիսկուսի գործածումը (որը մեզ հայտնի է որպես կարկադե) կարող է դրականորեն ազդել սիրտ-անոթային համակարգի առողջության վրա, նվազեցնել դեմենցիայի զարգացման հավանականությունը եւ մեծացնել կյանքի տեւողությունը:
ԱՄՆ Բժշկության ազգային գրադարանի մասնագետները պնդում են, որ հիբիսկուսի օգտագործումը կարող է երկարացնել մարդու կյանքի տեւողությունը՝ բարելավելով նրա առողջության մի շարք ցուցանիշներ:
Խոսքը Sabdariffa հիբիսկուսի մասին է՝ ուտելի բույս, որն աչքի է ընկնում ֆլավոնոիդների եւ պոլիֆենոլների մեծ պարունակությամբ՝ ուժեղ ներգործող հակաօքսիդանտներ, որոնք պայքարում են օքսիդացման սթրեսի հետեւանքով առաջացող ազատ ռադիկալների դեմ: Ազատ ռադիկալներն առաջացնում են բջջային վնասվածքներ, որոնք դառնում են մեծ թվով վտանգավոր հիվանդությունների, այդ թվում՝ սիրտ-անոթային հիվանդությունների, քաղցկեղի եւ նեյրոդեգեներատիվ հիվանդությունների պատճառը:
Կարկադեն նվազեցնում է սիրտ-անոթային հիվանդությունների ռիսկը
Հիբիսկուսը հարուստ է հանքանյութերով, ներառյալ՝ կալցիումով, երկաթով, մագնիումով, ֆոսֆորով, կալիումով, նատրիումով, ցինկով: Ի հավելումն՝ պարունակում է B խմբի վիտամիններ՝ նիացին, ֆոլաթթու: Այս բոլոր նյութերը բարենպաստ են անդրադառնում անոթային համակարգի աշխատանքի վրա:
Կարկադեն նպաստում է առողջ քաշի պահպանմանը
Հիբիսկուսի թեյի կանոնավոր գործածումը զուգակցվում է նիհարելու եւ ճարպակալման կանխարգելման հետ, ցույց են տվել մի քանի հետազոտություններ:
Կարկադեն պահպանում է կոլագենի մակարդակը
Ազատ ռադիկալների դեմ պայքարող հիբիսկուսի հակաօքսիդանտները կոլագենի սպիտակուցային կառույցները պաշտպանում են վնասվելուց, ինչը խոչընդոտում է մաշկի չորանալը, կնճիռների հայտնվելը եւ վաղաժամ ծերանալը:
Կարկադեն պահպանում է իմունիտետը
Կարկադեով թեյը նաեւ պահպանում է աղիներում մարսողական ֆերմենտների նորմալ գործելը: Այն համարվում է նաեւ երկաթի լավ աղբյուր, որն օգնում է պահպանել օրգանիզմի իմունային ֆունկցիան եւ ստեղծել ամբողջ մարմնում թթվածինը տեղափոխող էրիթրոցիտներ:
Կարկադեն նվազեցնում է դեմենցիայի զարգացման հավանականությունը
Կարծիք կա, որ հիբիսկուսի այս էֆեկտը պայմանավորված է նրա հզոր հակաօքսիդանտային պոտենցիալով:
