Ինչու՞ որոշները չեն հիվանդանում կորոնավիրուսով
ՀԱՍԱՐԱԿՈՒԹՅՈՒՆ
aif.ru-ն գրում է, որ մարդիկ, որոնք COVID-19-ով չեն հիվանդանում հնարավոր է, որ վերջին շրջանում հիվանդացած լինեն այլ վիրուսային վարակով կամ ունենան անհատական անընկալություն: Նման կարծիք է հայտնել բժշկական գիտությունների թեկնածու, ինֆեկցիոն հիվանդությունների ամբիոնի դոցենտ Սերգեյ Վոզնեսենսկին: Վարակին դիմադրելու մեկ այլ հավանական պատճառ էլ կարող է լինել այն, որ այդ մարդը նախկինում արդեն իսկ հիվանդացած է եղել այլ կորոնավիրուսային հիվանդությամբ:
Սերգեյ Վոզնեսենսկին հիշեցրել է, որ հակամարմինները ցույց են տալիս, որ մարդու օրգանիզմը արդեն ծանոթ է հիվանդության հարուցիչին: Ընդ որում, որոշ մարդիկ անընկալ են որոշակի վիրուսային հիվանդությունների նկատմամբ, ներառյալ ՄԻԱՎ-ի նկատմամբ, իսկ COVID-19- ի դեպքում նման դեպքերը շատ ավելի շատ են:
«Միանշանակ եզրակացություն անել այն մասին, թե ինչու են նրանք անընկալ, դեռ գիտական քննարկման փուլում է», - նշել է Վոզնեսենսկին:
Ըստ նրա` դա կարող է պայմանավորված լինել տարած հիվանդությամբ, որն առաջացրել է մեկ այլ կորոնավիրուս, և այդ դեպքում կարելի է խոսել խաչաձև անընկալության մասին:
Բացի այդ, ըստ փորձագետի, մարդը կարող է COVID-19-ով չվարակվել, եթե նախքան այդ հարուցիչի հետ հանդիպելը ունեցել է ինչ որ այլ վիրուսային վարակ, և բուժվելուց հետո նրա մոտ բարձրացել է ինտերֆերոնի մակարդակը (բջիջների կողմից արտադրվող սպիտակուցներ որոնք հակադարձում են վիրուսի ներխուժմանը): Եթե օրգանիզմում նման առկա է նման սպիտակուցների մեծ քանակ, ապա վիրուսային հիվանդությունների նկատմամբ անկալությունը աճում է:
Մեկ այլ տարբերակ է անհատական անընկալության տարրերի առկայությունը, որոնք կանխում են վիրուսի ներթափանցումը շնչառական համակարգի լորձաթաղանթի մակարդակում: Այլ կերպ ինչպե՞ս կարելի է բացատրել որոշ մարդկանց անընկալությունը կորոնավիրուսի նկատմամբ:
2020 թվականի հոկտեմբերին Ռոսպոտրեբնաձորը, վկայակոչելով գիտնականների հետազոտությունները, ասել է, որ որոշ անձանց անընկալությունը COVID-19-ի նկատմամբ կարող է պայմանավորված լինել որոշակի գենային մուտացիաների հետ: Մասնագետների կարծիքով, գեների որոշ փոփոխություններ կարող են հեշտացնել կամ, ընդհակառակը, դժվարացնել այդ վիրուսի բջիջներ ներթափանցելը: Խոսքը գնում է ACE2 սպիտակուցը կոդավորող գենի մուտացիայի մասին, որն օգտագործում է կորոնավիրուսի հարուցիչը բջիջ ներթափանցելու համար:
«Գենետիկական վարիացիաների նույնականացումը թույլ է տալիս հայտնաբերել ինչպես COVID-19-ով վարակվելու մեծ վտանգով մարդկանց, այնպես էլ այն հաջողակներին, որոնք պաշտպանված են իրենց գեներով», - նշել է Ռոսպոտրեբնադզորի մամուլի ծառայությունը:
Նյութը հրապարակման պատրաստեց Կամո Խաչիկյանը
