Կորոնավիրուսի ծանր ընթացքը կարող է կապված լինել հիվանդի ռասայի հետ. գիտնականներ
ՀԱՍԱՐԱԿՈՒԹՅՈՒՆ
aif.ru-ն գրում է, որ բրիտանացի գիտնականները պարզել են, որ հիվանդի ռասան կարող է կապված լինել կորոնավիրուսի բարդ ընթացքի և նույնիսկ մահվան հետ:
Ուսումնասիրությունը, որը հրապարակվել է BMJ Open հրատարակությունում, իրականացվել է Լոնդոնի Queen Mary համալսարանի և Barts Health NHS Trust հիմնադրամի մասնագետների կողմից: Նրանք վերլուծել են 16 տարեկանից բարձր 1737 հիվանդների տվյալները, որոնք հոսպիտալացվել էին 2020 թվականի հունվարի 1-ից մայիսի 13-ն ընկած ժամանակահատվածում: 538 հիվանդներ եղել են ասիացիներ, 340-ը` սևամորթներ, ևս 707-ը` սպիտակամորթներ: Դիտարկման 30-րդ օրը 511 հիվանդ մահացել է:
Պարզվել է, որ սևամորթ հիվանդները և Ասիայի բնակիչները 1,5-1,8 անգամ ավելի հավանական է, որ հայտնվեն վերակենդանացման բաժանմունքներում և ստանան ինվազիվ օդափոխություն: Ավելին, ասիական ծագում ունեցող մարդիկ 1,49 անգամ ավելի հավանական է, որ մահանան, և 1,3 անգամ ավելի հավանական է, որ սևամորթները մահանան քան մաշկի բաց գույն ունեցողները:
Վերակենդանացման և անզգայացման մասնագետ Յիզե Վանգը բացատրել է, որ ուսումնասիրությունը ցույց է տալիս կորոնավիրուսի անհամաչափ ազդեցությունը տարբեր էթնիկ խմբերի ներկայացուցիչների վրա: Նախկինում իտալացի գիտնականները հետազոտում էին Ջիլիո կղզու ֆենոմենը: Փաստն այն է, որ այդ կղզու բնակիչներից ոչ մեկը չի հիվանդացել կորոնավիրուսով, չնայած COVID-19- ով վարակված զբոսաշրջիկները բազմիցս են այցելել այդ կղզի:
Նյութը հրապարակման պատրաստեց Կամո Խաչիկյանը
