Պատմության այս օրը (հունվարի 20)

ՈՐՈՇ ՏՈՆԵՐ - Պինգվինների մասին տեղեկացվածության համաշխարհային օր, ԱՄՆ՝ Ինաուգուրացիայի օր, Ադրբեջան՝ Սգի օր, Դաղստան՝ Հանրապետության ստեղծման օր, Լատվիա՝ Բարրիկադների պաշտպանների հիշատակի օր, Ղրիմ՝ Հանրապետության օր, Իսպանիա՝ Տամբորրադա:

ՀԱՅԱՍՏԱՆՈՒՄ

1780 - հիմնադրվել է Նոր Նախիջեւանի վարժարանը:

1919 – ծնվել է գրող, բանաստեղծուհի Սիլվա Կապուտիկյանը:

1924 – ծնվել է արվեստաբան Մանյա Ղազարյանը:

1933 - բացվել է Ալ. Սպենդիարյանի անվան օպերայի և բալետի պետական ակադեմիական թատրոնը իր առաջին ներկայացմամբ՝ Ալեքսանդր Սպենդիարյանի «Ալմաստ» օպերայի բեմադրությամբ:

1945 – ծնվել է գրականագետ Սամվել Մուրադյանը:

1966 – վախճանվել է բանաստեղծ, արձակագիր, լրագրող Վահան Արամունին:

1952 –  ծնվել է ռուս ճանաչված երգչուհի Իրինա Ալեգրովան, որի հայրը եղել է հայ։

1975 - առաջին ահաբեկչական գործողությունն է իրականացրել ԱՍԱԼԱ-ն, որն է պայթյուն Եկեղեցիների համաշխարհային խորհրդի շտաբ-բնակարանում:

1992 - Հայաստանը դիվանագիտական հարաբերություններ է հաստատել Հունաստանի հետ:

1993 – Արցախյան ազատամարտի ժամանակ ավարտվել է ԼՂՀ Ասկերանի, Շահումյանի, Մարտակերտի, Մարտունիի և Հադրութի շրջանների ուղղություններով հայկական զինված ուժերի խոշորածավալ հարձակումները և տեղի է ունեցել մարտական գործողությունների հիմնական թատերաբեմ Մարտակերտի ռազմաճակատում հակառակորդի հարձակման կասեցումը։

1994 - ադրբեջանական բանակի 3 բրիգադներից 2-ը ճեղքել են Քարվաճառի ռազմաճակատի պաշտպանությունը և գրավել Քարվաճառի շրջանի 14 բնակավայր` դուրս գալով Մարտակերտ-Քարվաճառ ավտոմայրուղի:

2006 - Համաշխարհային բանկը 5 միլիոն դոլար է հատկացնել Հայաստան թռչնագրիպի թափանցումը կանխարգելելուն ուղղված աշխատանքներին:

2009 - Երևանում հանդիսավոր արարողությամբ բացվել է բանաստեղծուհի, Հայաստանի գիտությունների ազգային ակադեմիայի ակադեմիկոս Սիլվա Կապուտիկյանի տուն-թանգարանը:

2010 - տեղի է ունեցել  Piazza Grande հյուրանոցի բացումը Երևանում:

2017 - Բաքուն պահանջել է Բելառուսին արտահանձնել բլոգեր Լապշինին և Բելառուսի դատախազությունը բավարարել է այդ պահանջը: 

2018 – վախճանվել է հասարակական, քաղաքական գործիչ Սարգիս Հացպանյանը:

2020 - Կառավարության դիմաց սպանդանոցների դեմ բողոքող գյուղացիները մի քանի րոպեով փակել են Նալբանդյան փողոցը, այնուհետև Տիգրան Մեծի պողոտան:

ԱՇԽԱՐՀՈՒՄ

250 — հռոմեական կայսր Դեցիուսը հրաման է արձակել հետապնդել քրիստոնյաներին և մահապատժի է ենթարկել Հռոմի պապ Ֆաբիանին:

1265 — Լեստերի 6-րդ գրաֆ Սիմոն դե Մոնֆորը հավաքել է առաջին անգլիական խորհրդարանը:

1752 – իտալացի քանադակագործ Լուիջի Վանվիտելլիի գլխավորությամբ սկսվել է Եվրոպայի ամենամեծ կառույցներից մեկի` Կազերտյան պալատի շինարությունը:

1775 – ծնվել է ֆրանսիացի ֆիզիկոս, մաթեմատիկոս Անդրե Մարի Ամպերը:

1841 —բրիտանական բանակը օկուպացրել է Հոնգկոնգը:

1892 —կայացել է առաջին բասկետբոլային հանդիպումը (ԱՄՆ, Մասսաչուսետց նահանգ, քաղաք Սպրինգֆիլդ):

1893 — Լոնդոնի Թագավորական ինստիտուտում Ջեյմս Դյուարը ցուցադրել է հեղուկ գազերի պահպանման անոթը:

1920 – ծնվել է իտալացի կինոռեժիսոր Ֆեդերիկո Ֆելինին:

1921 — ընդունվել է Թուրքիայի առաջին սահմանադրությունը, որով Թուրքիան հայտարարվել է աշխարհիկ և ազգային պետություն:

1944 — Երկրորդ համաշխարհային պատերազմի ժամանակ բրիտանական ռազմաօդային ուժերը ավելի քան 2300 տոննա ռումբ են նետել Բեռլինի վրա:

1946 – ծնվել է ամերիկացի նշանավոր կինոռեժիսոր Դեյվիդ Լինչը։

1973 – վախճանվել է Կանաչ հրվանդանի կղզիների ազգային-ազատագրական շարժման գործիչ Համիլկար Կաբրալը:

1976 — տեղի է ունեցել լիվանցի-քրիտոնյաների մասսայական սպանդ Դեմուր քաղաքում:

1983 – վախճանվել է բրազիլացի լեգենդար ֆուտբոլիստ Գարինչան:

1984 – վախճանվել է ծագումով գերմանացի, ամերիկացի լողորդ, օլիմպիական խաղերի հնգակի չեմպիոն, նաև դերասան Ջոննի Վայսմյուլլերը, որը Տարզանին մարմնավորած ամենահայտնի դերասաններից մեկն է։

1990 - Բաքու են մտցվել խորհրդային զորքեր հակակոմունիստական Ազգային ճակատի կողմից իշխանության զավթումը կանխելու նպատակով, արդյունքում զոհվել է  133 մարդ և վիրավորվել ավելի քան 800-ը:

2018 — Սիրիայի հյուսիսում Թուրքիան սկսել է իր «Ձիթապտղի ճյուղ» ռազմական օպերացիան:

Նյութը հրապարակման պատրաստեց Կամո Խաչիկյան

www.1or.am