Հինգ հասանելի մթերք, որոնք պետք է լինեն սննդակարգում
ՀԱՍԱՐԱԿՈՒԹՅՈՒՆ
aspekty.net-ը գրում է, որ Բրիտանական սննդի ինստիտուտի գիտնականները կազմել են մատչելի մթերքների ցուցակ, որոնք շատ առողջարար են և պետք է առկա լինեն յուրաքանչյուր մարդու սննդակարգում:
Ըստ ուսումնասիրության` «մատչելի գերմթերքների» ցուցակում ներառվել են բուլղարական պղպեղը, քուջութի սերմերը, ծովակաղամբը, քրքումը և սունկը:
Բուլղարական պղպեղը, ըստ մասնագետների, հարուստ է A, B և C վիտամիններով, հակաօքսիդիչներով և այլ օգտակար նյութերով: Այդ նյութերի շնորհիվ պղպեղն ուժեղացնում է իմունային համակարգը և օգնում մարմնին դիմակայել քաղցկեղային ուռուցքների առաջացմանը:
Քուջութը ցուցակում իր տեղն է զբաղեցրել առողջարար և հեշտությամբ մարսվող բուսական ճարպերի առատության շնորհիվ: Այն նաև պարունակում է A, C, E և B խմբի վիտամիններ, հանքանյութեր՝ մագնեզիում, ցինկ, ֆոսֆոր, երկաթ և կալցիում: Այս ամենի հետ միասին քնջութը շատ կալորիական չէ. 100 գ քուջութը տալիս է 560 կկալորիա, իսկ 100 գ քնջութի յուղը 884 կկալորիա, որը ավելին է, քան կարագի մեջ:
Ծովային ջրիմուռները՝ ծովակաղամբը, բրոմի, կալիումի, երկաթի, մագնեզիումի, ֆոլաթթվի և այլ թթուների լավ աղբյուր է: Այնուամենայնիվ, ի տարբերություն նախորդ մթերքների, դրանք այնպիսի ոչ ծովային երկրների համար են ինչպիսին օրինակ Հայաստանն է, այնքան էլ մատչելի չեն, որքան էլ ցանկալի լինի դա:
Քրքումը հայտնի համեմունք է, որը կանխում է արյան անոթներում արյան մակարդուկների առաջանալը և բարենպաստ ազդեցություն է ունենում սիրտանոթային համակարգի վրա:
Ինչ վերաբերում է սնկերին՝ դրանք օրգանիզմին մատակարարում են սպիտակուցներ և հանքանյութեր և միևնույն ժամանակ պաշտպանում են օրգանիզմը անոթային պաթոլոգիաներից: Հետաքրքիր է այն, որ սունկը պարունակում է շատ քիչ կալորիա, բայց բավականին շատ ունի այնպիսի սննդանյութեր, որոնք անհրաժեշտ են օրգանիզմին:
Նյութը հրապարակման պատրաստեց Կամո Խաչիկյանը
