Թեժ մրցակցություն թե՛ հանրապետական, թե՛ մարզային սլոթների օգտագործման մրցույթներում․ «Փաստ»

«Փաստ» օրաթերթը գրում է

Երեկ կայացավ Հանրային մուլտիպլեքսում սլոթի օգտագործման լիցենզավորման հանրապետական և մայրաքաղաքային սփռման մրցույթի մասնակիցների հայտերի վարկանիշային քվեարկությունն ու հրապարակվեցին հաղթող հեռուստաընկերությունների անունները: Արդյունքում հանրապետական սփռման հնարավորություն ստացան նաև «Արմենիա» , «Երկիր Մեդիա», «Շանթ», «Ա ԹԻՎԻ» և «Կենտրոն» հեռուստաընկերությունները, իսկ մայրաքաղաքային սփռման համար սլոթերում լինելու հնարավորություն ստացան «5-րդ ալիք», «Արմնյուզ», «Դար 21», «Նոր Հայաստան» հեռուստաընկերություններն ու «Ֆրինյուզ», «Արփի մեդիա» ընկերությունները:

Փաստացի, գործող հեռուստաընկերություններից եթերից զրկվեցին «Հ2» և «Ար» հեռուստաընկերությունները (վերջինս ընդհանրապես չէր դիմել): Պակաս հետաքրքիր չէր նաև Հանրային մուլտիպլեքսում սլոթի օգտագործման լի ցեն զ ա վոր ման մազ ր ա յ ի ն սփռման մրցույթը. Արագածոտնի և Շիրակի մարզերում մասնակցում էին երկուական ընկերություններ, իսկ Լոռու մարզում մրցույթն առավել թեժ էր՝ հայտ էր ներկայացրել երեք հեռուստաընկերություն: Այստեղ, ինչպես և սպասելի էր, հաղթեց առավել պրոֆեսիոնալ ու ներկայացված չափանիշներին համապատասխանող «Ֆորտունա» հեռուստաընկերությունը, որի միավորների տարբերությունը մյուս մասնակիցներից այնքան շատ էր, որ նույնիսկ քննարկումների տեղիք չի տալիս:

Ի դեպ, այս, ինչպես նաև Արագածոտնում հաղթած «Դելտա թիվի» ընկերությունների ստացած միավորները համադրելի են նույնիսկ հանրապետական սփռման մրցույթի մասնակից հեռուստաընկերությունների միավորների հետ և զիջում են միայն երեք հեռուստաընկերություններին («Արմենիա», «Երկիր մեդիա», «Շանթ»): Մնացած մարզերում հաղթեցին հետևյալ ընկերությունները. Արմավիր՝ «Արանեա», Շիրակ՝ «Ցայգ», Սյունիք՝ «Զանգեզուր», Տավուշ՝ «Տավուշ մեդիա», Գեղարքունիք՝ «Գավառ», Կոտայք՝ «Կոտայք»:

Մանրամասները՝ «Փաստ» օրաթերթի այսօրվա համարում