Գիտնականները կորոնավիրուսով հիվանդանալու մեջ գտել են քրոնիկ հիվանդություն
ՀԱՍԱՐԱԿՈՒԹՅՈՒՆ
lenta.ru-ն գրում է, որ գիտնականները Նիդեռլանդներից և Բելգիայից ուսումնասիրություն են անց կացրել և պարզել, թե ինչպես են COVID-19-ի թեթև ձևերով հիվանդները վերականգնվում: Արդյունքում նրանք ենթադրել են, որ կորոնավիրուսը կարող է դառնալ քրոնիկ հիվանդություն:
Ըստ գիտնականների` բարդությունները կարող են սկսվել բուժվելուց նույնիսկ շաբաթներ կամ ամիսներ անց: Միևնույն ժամանակ, յուրաքանչյուր երրորդ COVID-19-ով հիվանդացած դառնում է «քիչ թե շատ կախված կողմնակի խնամքից»:
Գիտնականներն ուսումնասիրել են 1837 հիվանդների տվյալներ, որոնց միջին տարիքը կազմել է 47 տարեկան: Նրանց բոլորը բուժվել են ամբուլատոր հիմունքներով, սակայն կորոնավիրուսի հետևանքների վերաբերյալ բողոքները պահպանվել են երեք ամիս: Պարզել է, որ հիվանդների 98 տոկոսը շարունակում է զգալ հոգնածություն, 90 տոկոսը տառապում է մկանների թուլությունից, 88 տոկոսը քնի խնդիրներ ունի, և 87 տոկոսը ունենում է ցավեր: Շատերն էլ նաև նշել են, որ իրենց աշխատանքի արտադրողականությունն է նվազել: Միևնույն ժամանակ, ուսումնասիրության մասնակիցների 86 տոկոսը պարզաբանել է, որ հիվանդությունից առաջ առողջական խնդիրներ չեն ունեցել, իսկ կորոնավիրուս տանելուց հետո առողջական խնդիրներ չունեցողների թիվը կազմել է 6 տոկոս:
Ըստ հետազոտողների, այս տվյալները ցույց են տալիս այն հիվանդների անբավարար վերականգնումը, ովքեր տարել են թեթև COVID-19, քանի որ առկա ծրագրերն ուղղված են հոսպիտալացված հիվանդներին օգնելուն: Գիտնականները ենթադրում են, որ նրանք, որոնք տառապում են կորոնավիրուսի ազդեցությունից 12 շաբաթ և ավելի, պետք է համարվեն քրոնիկ հիվանդներ: Նրանք նաև նշել են, որ ապագայում նման հիվանդները կարող են լուրջ բեռ դառնալ համաշխարհային առողջապահության համար և եզրակացրել են, որ նրանց անհրաժեշտ է վերականգնողական հատուկ թերապիա տրվի:
Ավելի վաղ հաղորդվել էր, որ բրիտանացի և ամերիկացի գիտնականները որոշել են գլոբալ ուսումնասիրություն անց կացնել մարդու ուղեղի, ինչպես նաև կենտրոնական նյարդային համակարգի վրա կորոնավիրուսի երկարատև ազդեցությունը պարզելու ուղղությամբ: Գիտնականները ունեն մտահոգություն, որ COVID-19-ը վարակից մի քանի տարի անց էլ կարող է երկարատև վնաս լինել ուղեղի և կենտրոնական նյարդային համակարգի համար:
Նյութը հրապարակման պատրաստեց Կամո Խաչիկյանը
