Փորձագետները հնարավոր են համարում կրկնակի սրացումը Ղարաբաղում
ՔԱՂԱՔԱԿԱՆՈՒԹՅՈՒՆ
ria.ru-ն գրում է, որ Ռիա-նովոստիին փորձագետները հայտնել են, որ անհնար է բացառել նոր միջադեպերի առաջացումը Լեռնային Ղարաբաղի բարդ հակամարտության շուրջ։ Հիշեցնենք, որ վերջերս սրացում էր եղել Լեռնային Ղարաբաղի Հադրութի շրջանի երկու գյուղերում, որը հնարավոր էր դարձել մարել ռուս խաղաղապահների միջամտության շնորհիվ։
«Ռուսաստանի համար շատ կարևոր է, որ այդ հրադադարը կողմերը հարգեն: Ես ողջունում եմ այն փաստը, որ ռուս խաղաղապահներն այդքան արագ բերվել են այդ հակամարտության գոտի, սա շատ կարևոր է: Բայց, իմ կարծիքով, բոլոր տեսակի միջադեպերի վտանգը չի կարելի վերացած համարել»,- ՌԻԱ Նովոստիին ասել է դեսպան, Լեռնային Ղարաբաղի հարցով Ռուսաստանի Դաշնության նախագահի նախկին լիազոր ներկայացուցիչ և ԵԱՀԿ Մինսկի խմբի նախկին համանախագահ Վլադիմիր Կազիմիրովը: Նրա խոսքով անհրաժեշտ է հանրային տեղեկատվություն տրամադրել այն մասին, թե ով է խախտել հրադադարի ռեժիմը, որը հաստատվել էր դեռ 1994 թվականին և այդպիսով գոյություն ունեցել շուրջ 26 տարի:
Նմանատիպ կարծիք է կիսում նաև Պրիմակովի անվան ինստիտուտի Կովկասի հատվածի առաջատար հետազոտող Վադիմ Մուխանովը: «Չկան երաշխիքներ, որ չի լինի սրացում: Առավել ևս, որ համաձայնագրի կնքումից հետո հակամարտության կողմերի արված հայտարարությունները կասկած չեն թողնում, որ հակամարտ կողմերը պատրաստ են շարունակել կարգավորման գործընթացը»,- նշել է փորձագետը: Նրա կարծիքով, կարգավորմանը կարող է օգնել միայն կուսակցությունների կամ քաղաքական էլիտաների կամարտահայտությունը: «Մինչ հիմա իրավիճակը լղոզված է: Եվ, ցավոք, նույն կախված վիճակի մեջ կլինի նաև ռուս խաղաղապահների կորպուսը, քանի որ նրանք ինչ որ չափով այդ իրավիճակի պատանդներն են ... սրացումները կրկնելու մեծ վտանգներ կան ոչ միայն Հադրութում, այլ նաև այլ կենսական նշանակության տարածքներում, այդ թվում ՝ Լաչինի միջանցքի սահմանների երկայնքով»,- եզրափակել է փորձագետը:
Նյութը հրապարակման պատրաստեց Կամո Խաչիկյանը
