Խոշոր ընկերություններ մի քանի բանկերից մեծ գումարներ են դուրս հանել. Վահանգն Խաչատրյան

 Արտարժույթի փոխարժեքի տատանումները և դրանով պայմանավորված Հայաստանի տնտեսական կայությունության պահպանումը շարունակում է օրակարգային հարցերից մեկը մնալ: Ու թեև Կենտրոնական բանկը համապատասխան գործիքներով փորձում է կանխատեսելիի միջակայքում պահել դրամի արժեզրկումը, սակայն տնտեսագետներին հուզող հարցն այն է, որ կորոնավիրուսի համավարակով պայմանավորված տնտեսական ճգնաժամի սպասվող ալիքը հարվածելու է ողջ աշխարհին: Եվ եթե դրան գումարում ենք Հայաստանի նման փխրուն տնտեսական իրավիճակում գտնվող երկրի պոտենցիալը, այն էլ Արցախում տեղի ունեցած պատերազմից հետո, ապա պարզ է դառնում, որ տնտեսական շոկից խուսափել, այնուամենայնիվ չէին կարող:

Տնտեսագետների հաշվարկներով՝ Հայաստանում միջնաժամկետ կտրվածքով սպասվում է տնտեսական անկում, որին դիմակայելու համար հարկավոր է՝ ոչ միայն իշխանությունները  վերանայեն երկրում իրականացվող տնտեսական քաղաքականությունը, այլև՝ հասարակությունը պետք է վերանայի իր վարքագիծը ծախսերի առումով:

Ինչ վերաբերում է այս օրերին դիամի կտրուկ արժեզրկմանը, ապա դա ունի իր պատճառները: Տնտեսագետ Վահագն Խաչատրյանը 1or.am-ի հետ զրույցում նշեց, որ դրամի արժեզրկման հիմնական պատճառը ոչ թե փոքր տնտեսությունների կողմից արտարժույթի հանդեպ պահանջարկի աճն էր, այլ՝ մեծ խաղացողների կողմից՝ երկրից բավական խոշոր գումարներ դուրս բերելը:

«Մի քանի խոշոր ընկերություններ մի քանի բանկերից մեծ գումարներ են դուրս հանել, որը շուկայում որոշակի աժիոտաժ է առաջացրել: Կենտորանական բանկը որոշեց միջամտել և վերաֆինանսավորման տոկոսադրույքը բարձարցրեց, ինչը նշանակում է, որ այս պարագայում փորձում ենք զգուշավոր քաղաքականություն վարել, որը կարծում եմ, կշարունակվի»,- 1or.am-ի հետ զրույցում ասաց Վ. Խաչատրյանը:

Արմինե Գրիգորյան

1or.am