Արդյո՞ք կարելի է հավատալ ռուսական ՌԷՊ համակարգերի ԱԹՍ-ների դեմ պայքարի անարդյունավետության մասին Փաշինյանի խոսքերին
ՔԱՂԱՔԱԿԱՆՈՒԹՅՈՒՆ
kp.ru-ն գրում է, որ ռազմական փորձագետ Վիկտոր Բարանեցը պատմել է kp.ru-ին, թե ինչու է Հայաստանի վարչապետ Նիկոլ Փաշինյանը բողոքել Ղարաբաղում ՌԷՊ համակարգերի անարդյունավետությունից։ Ըստ նրա` ներկայումս Հայաստանի ընդդիմությունը պահանջում է վարչապետ Նիկոլ Փաշինյանի հրաժարականը «Ադրբեջանի հետ պատերազմում կրած պարտության պատճառով»: Հանրապետության ղեկավարը մեղադրվում է բանակը ռազմական գործողություններին պատշաճ կերպով չպատրաստելու մեջ: Փաշինյանը արդարանում է ու նետերը շրջում դեպի երկրի նախկին քաղաքական և ռազմական ղեկավարությունը: Վերջերս ժողովրդին ուղղված կոչի ժամանակ նա գտել է պատճառ, որն է չաշխատող ՌԷՊ համակարգերը, որոնք 2017 թվականին գնվել են Ռուսաստանից և տեղադրվել Լեռնային Ղարաբաղի տարածքում: Ըստ նրա, երեք տարի առաջ Հայաստանի բյուջեից 42 միլիոն դոլար է հատկացվել այդ համակարգեր գնելու և երկնքը փակելու համար: Սակայն իրական արդյունքները, ըստ Փաշինյանի, «ցույց են տվել միայն «Оса-АК» հակաօդային պաշտպանության համակարգերի արդյունավետությունը, որոնք ոչնչացրել են հակառակորդի ռազմական օբյեկտների մեծ մասը»:
Փորձենք հասկանալ:
Չգիտես ինչու, Փաշինյանը «մոռացել է ասել», որ հենց ռուսական «Поле-21» ՌԷՊ համակարգերն են դադարեցրել թուրքական ԱԹՍ-ների թռիչքները 4 օր, երբ նրանք սկսել են վայր ընկնել կամ վայրէջք կատարել Հայաստանի տարածքում: Եվ միայն այն ժամանակ, երբ թուրք մասնագետները մասամբ գտել են հակաթույնը՝ ԱԹՍ-ները կրկին սկսել են հայտնվել Լեռնային Ղարաբաղի երկնքում: Բայց հենց սկսել են միանալ ռուսական արտադրության ՌԷՊ մյուս համակարգերը՝ պատերազմն ավարտվել է ...Հայաստանի փորձագետների շրջանում խիստ կասկածելի է Փաշինյանի կողմից «Оса-АК» ՀՕՊ համակարգերի գովեստը: Ինչո՞ւ։ Քանի որ հայկական «կրետներ»-ին հաջողվել է «խայթել» ընդամենը մի քանի ադրբեջանական ԱԹՍ, իսկ ինչ վերաբերում է զգետնած ինքնաթիռներին կամ ուղղաթիռներին, ապա արդյունքն ընդհանուր առմամբ «զրո» է: Կա միայն մեկ պատճառ ՝ անձնակազմի շատ վատ պատրաստվածությունը: Գիտե՞ք ինչու է Փաշինյանը այդքան գովում «Оса-АК»-ն: Բանն այն է, որ նա ինքը անձամբ է մասնակցել Հորդանանից այս հին համալիրների գնմանը: Չնայած թե՛ հանրապետության պաշտպանության նախարարությունը, թե՛ գլխավոր շտաբը նրան խորհուրդ են տվել չանել դա:
Ըստ ռազմական փորձագետ Եվգենի Նորինի` պատահական չէ, որ Փաշինյանը նշում է «Оса»-ները. փաստն այն է, որ այդ գործարքը, որի շրջանակներում Հորդանանից ձեռք են բերվել հին ՀՕՊ համակարգեր (Ռուսաստանից ավելի ժամանակակից նման համակարգեր գնելու փոխարեն), ի սկզբանե շատ հարցեր են առաջացրել Հայաստանում, և եղել են շատ արդարացի մեղադրանքներ առ այն, որ դա ի սկզբանե եղել է կոռուպցիոն գործարք: Ավելին, ինքը ՝ Փաշինյանն է մեղադրվել դրանում մասնակցության մեջ: Այնպես որ, բնական է, որ նա այժմ խոսում է այն մասին, թե որքան լավն էր «Оса»-ն, չնայած դրա արդյունավետությունն անհայտ է ...իհարկե, եթե Հայաստանը հաղթեր պատերազմում, ընդդիմությունը կարող էր ամեն ինչ ներել Փաշինյանին, բայց հիմա «պատերազմը պարտված է», և այժմ նա պետք է գոնե որոշ արդարացումներ գտնի: Իսկ վատ զենքին անդրադառնալն առաջին բանը է, որի մասին կարելի է մտածել: Բայց վարչապետը խուսափում է խոսել բանակի վատ պատրաստվածության և այն մասին, որ զինվորներն ու սպաները լավ չեն տիրապետել ռազմական տեխնիկային: Դա հենց այն է, ինչի մասին մամուլի ասուլիսում խոսել է հայկական բանակի գլխավոր շտաբի նախկին պետ, գլխավոր ռազմական տեսուչ, գեներալ-գնդապետ Մովսես Հակոբյանը: Նա մեղադրել է երկրի ղեկավարությանը և բանակին մոբիլիզացիայի և ռազմական գնումների հարցում անիմաստ և կոպիտ սխալների մեջ:
Գեներալը պարտության հիմնական պատճառ է համարել բանակի կառավարման մեջ թույլ տրված սխալները: Նա քննադատել է ԳՇ պետի պաշտոնում իր իրավահաջորդին ՝ գեներալ-լեյտենանտ Արտակ Դավթյանին մեղադրելով նրան բանակի փլուզման մեջ և անվանել է նրան «ամենաանպատրաստ գեներալը»:
Որպես կոպիտ սխալների օրինակ Հակոբյանը նշել է գաղտնի հրամանը, ըստ որի կրճատել է հինգ գունդ: Եվ այդ հրամանը «օրհնվել» է Փաշինյանի կողմից: Ինչ վերաբերում է Հորդանանից հին «Оса-АК»-ների գնմանը, ապա դրանք, գեներալի խոսքով «ոչ մի ԱԹՍ չեն խփել»:
Նյութը հրապարակման պատրաստեց Կամո Խաչիկյանը
