Բժիշկը բացատրել է, թե ինչ անել COVID-19-ից առաջացող ջերմության տատանումների ժամանակ
ՀԱՍԱՐԱԿՈՒԹՅՈՒՆ
glavred.info-ն գրում է, որ Ուկրաինացի բժիշկ Պավել Սիլկովսկին խոսել է այն մասին, թե մարդիկ ինչ պետք է անեն, եթե ունենան ուժեղ ցավ թիակների շրջանում և պարբերական ջերմաստիճանային փոփոխություններ COVID-19 կորոնավիրուսային վարակի ժամանակ:
Բժիշկն իր առաջարկությունները հրապարակել է իր ֆեյսբուքյան էջում: Սիլկովսկին ասում է, որ խուճապի մատնվելու և կտակ գրելու անհրաժեշտություն չկա, եթե COVID-19 կորոնավիրուսով հիվանդ մարդու մոտ խիստ բարձրանում է ջերմաստիճանը և ցավ է առաջանում թիակների շրջանում, ինչպես նաև մեջքի ստորին հատվածում: Բժիշկն ասել է, որ նման ցավերը վկայում են այն մասին, որ մարդը վիրուսային ինտոքսիկացիա ունի: Այս ախտանիշները չեն վկայում ծանր թոքաբորբի առկայությունը, ուստի անհրաժեշտություն չկա շտապօգնություն կանչել:
Ըստ Սիլկովսկու, COVID-19-ով վարակվելու ժամանակ ջերմաստիճանային բարձրացումները ցույց են տալիս հիվանդության ընթացքում օրգանիզմի բնականոն գործունեությունը, և այդ իսկ պատճառով մարդիկ չպետք է հերթական անգամ խուճապի մատնվեն և նյարդայնանան: Կորոնավիրուսի ժամանակ ջերմաստիճանային տատանումները կարող են տևել մոտ երկու շաբաթ:
Բժիշկը գրել է նաև, որ կորոնավիրուսային վարակի ժամանակ հաճախակի հազը ևս չպետք է խուճապ առաջացնի, քանի որ նման կերպ թոքերը մաքրվում են:
«Եթե կար թեթև հազ, ապա ուժեղ հազ, և նաև ջերմություն բարձրացում և կրծքավանդակի ցավ, դա չի նշանակում, որ թոքերը քայքայվում են, և անձը կդառնա կորոնավիրուսի զոհ: Թոքերում լինում են վիրուսից վնասված շատ բջիջներ, որոնցից օրգանիզմը պետք է ազատվի և նրանց տեղը առաջանան նոր բջիջներ, իսկ հազը թոքերում հավաքված աղբից մաքրելու բնական գործընթաց է: Հազացեք առողջության համար»,- գրել է բժիշկը:
Նյութը հրապարակման պատրաստեց Կամո Խաչիկյանը
