Վրացական իշխանությունները փորձում են իրենց բաժին կայությունն ապահովել եռացող այս տարածաշրջանում
ՔԱՂԱՔԱԿԱՆՈՒԹՅՈՒՆ
Այն, որ Հարավային Կովկասը հայտվել է աշխարհաքաղաքական իրադարձությունների կիզակետում՝ երկու կարծիք լինել չի կարող: Արցախի դեմ սանձազերծված ադրբեջանա-թուրքական ահաբեկչական պատերազմը, որը շատ փորձագետների կարծիքով՝ դեռ վաղ է ավարտված համարելը, ռեալ շանս ուներ վերածվելու տարածաշրջանայն պատերազմի: Ու թեև Ռուսաստանի ջանքերի շնորհիվ այն, կարելի է ասել, որոշ առումով կասեցվեց, սակայն տարածաշրջանը դեռ շարունակում է եռալ: Դեռևս առկա են անկայունության ծավալման և տարածաշրջանը հակամարտության գոտի դարձնելու թուրքական նկրտումները, որը կարող է տարբեր դրսևորումներ ունենալ: Ուստի տարածաշրջանում տեղի ունեցող իրադարձությունների հնարավոր բացասական հետևանքները կանխելու համար հարկավոր է ձեռքը պահել տարածաշրջանային զարգացումների զարկերակին:
Ռուս փորձագետների կարծիքով Վրաստանում տեղ ունեցած ընտրությունների արդյունքերի վիճարկումը և չմարող նոր բողոքի ցույցերը ևս հարկավոր է դիտարկել այս համատեքստում: Եվ պատահական չէ Վրաստանի իշխանությունների կողմից պարետային ժամ սահմանելու մասին որոշումը, որը կարող է զգալիորեն նվազեցնել ոչ միայն բողոքի ալիքի հետագա զարգացումը, այլև սանձել տարածաշրջանային իրադարձությունների վտանգավոր զարգացման հեռանկարները:
Պետք է նաև հաշվի առնել այն հանգամանքը, որ դեռևս Հարավային Կովկասը մաքրված չէ Թուրքիայի կողմից տարածաշրջան ներմուծած ահաբեկիչներից, ինչը վտանգ է ներկայացնում ո՛չ միայն Հայաստանի, այլև՝ Վրաստանի ներքին անվտանգության և կայունության պահպանման համար: Ուստի վրացական իշխանությունները ճնշելով ընդիմության քայլերը փորձում են իրենց բաժին կայությունն ապահովել եռացող այս տարածաշրջանում:
Արմինե Գրիգորյան
