Սիրիացի գրոհայինները հրաժարվում են կռվել Ադրբեջանից շիաների հետ կողք կողքի

Թուրքիայում խնդիրներ են առաջացել ադրբեջանական բանակի համար սիրիացի նոր վարձկաններ ներգրավելու հարցում: Մարդու իրավունքների սիրիական դիտորդական կենտրոնի (SOHR) համաձայն՝ սուննի իսլամիստները չեն ցանկանում նույն խրամատներում նստել Ադրբեջանից եկած շիաների հետ:

 

«Արժե նշել, որ Թուրքիան խնդիրներ ունի Լեռնային Ղարաբաղում նոր մարտիկներ ներգրավելու հետ կապված, քանի որ մարտիկների մեծ մասը հրաժարվում է կռվել ադրբեջանական բանակի հետ կողք կողքի՝ կրոնական գործոնի և վարձկանների շրջանում մարդկային մեծ կորուստների պատճառով», - հայտնում է SOHR-ը:

Նրանք նշել են, որ ավելի վաղ Ադրբեջան ուղարկված գրոհայինները բոլորովին չեն մտածել, որ ադրբեջանցիները շիաներ են: Արդյունքում, նրանցից ոմանք վերադարձել են, երբ իմացել են այդ մասին: Սիրիացի իսլամիստները ճնշող մեծամասնությամբ սուննի են:

 

Ըստ «Մարդու իրավունքների սիրիական աստղադիտարանի» տվյալների՝ մինչև նոյեմբերի 6-ը Լեռնային Ղարաբաղում մահացել է Սիրիայից ժամանած 250 իսլամիստ՝ ժամանած բոլոր վարձկանների մոտ 10%-ը: Եվս 342 գրոհային խզել է պայմանագիրը և վերադարձել Սիրիա:

«Առնվազն երեք սիրիացի վարձկան գերեվարվել է հայ զինվորականների կողմից», - հայտնում է SOHR-ը:

 

Կազմակերպության ակտիվիստներն արձանագրել են, որ այսօր՝ նոյեմբերի 6-ին, Լեռնային Ղարաբաղում սպանվել է առնվազն 10 սիրիացի վարձկան:

Միևնույն ժամանակ, Սիրիայում հողին են հանձնել ավելի վաղ մահացածների 195 մարմին: Ըստ SOHR-ի՝ անցած մեկ օրվա ընթացքում զոհված զինյալների 12 մարմին բերվել է Սիրիայի սահմանամերձ տարածք, որը վերահսկվում է Թուրքիայի կողմից: