Նավթադոլարներից արբած համաշխարհային լիդերները շարունակում են ալիևյան ավանտյուրայի թակարդում մնալ
ՔԱՂԱՔԱԿԱՆՈՒԹՅՈՒՆ
Փաստորեն, Ադրբեջանը չի էլ թաքցնում, որ Արցախի դեմ ոչ միայն 5-րդ սերնդի պատերազմ է մղում՝ օգտագործելով գերժամանակակից, գերճշգրիտ զինտեխնիկա, այլև նպատակադրված հայերի ցեղասպանություն է իրականացնում: Եվ այդ ճանապարհին կարող է անգամ իր և մեծ եղբոր զինանոցում եղած արգելված և ահաբեկչական բնույթի զենքեր, նույնիսկ՝ սպիտակ ֆոսֆոր պարունակող զինատեսակ օգտագործել: Պարզ ասած՝ սա արդեն մարդկության դեմ հանցագործություն է, և վեր է անգամ մարդու իրավունքների ոտնահարում ասված եզրույթից:
Թվում էր, թե այս ամենին ի պատասխան պետք է, որ մարդասեր Եվրոպայի աղաղակող կոչերը հնչեին, բայց … Ստացվում է, որ միջազգային կառույցները լուռ են անգամ, երբ Ադրբեջանն իր գործողություններով փաստում է, որ ինքը ոչ թե սովորական երկիր է, այլ ահաբեկչական միավոր, որը վարձկան ահաբեկիչներին օգտագործելուց բացի կարող է դիմել ցանկացած այլ նողկալի քայլի: Այս ամենի մասին պատմող բոլոր փաստերը հրապարակվել են:
Բացի այդ, տեսագրությունները հեշտությամբ կարելի է նույնականացնել ու համոզվել, թե իրականում հայ ժողովրդի դեմ ինչ քայլեր են իրականացնում թուրք-ադրբեջանական տանդեմը, բայց փաստորեն, բոլորը միաբերան լռում են: Միջազգային հանրության այս լռությունը ևս մեկ անգամ ցույց է տալիս, որ նույն այդ միջազգային հանրություն ասվածն այնքան է խճճվել ու խորտակվել իր կողմից հորինած կեղծ կատեգորիաների ճահճում, որ չի էլ կարողանում իրանակության աչքերին նայել: Ստացվում է, որ Արցախում վարվող 5-րդ սերնդի պատերազմին զուգահեռ ամենաբարձր՝ նարջնագույն աստիճանի հասցված համաշխարհային տագնապից անգամ չեն արթնանում գետերությունները, որոնք նավթադոլարներից արբած շարունակում են ալիևյան ավանտյուրայի թակարդում մնալ:
Արմինե Գրիգորյան
