Կարիք չկա առաջինը նետվել մի դաշտ, որտեղ շատ գերտերությունների շահեր են բախվում

Սոցիալական ցանցում տեղեկություններ են շրջանառվում, որ Հայաստանը կորոնավիրուսի դեմ պատվաստանյութի ձեռքբերման համաձայնագիր է ստորագրել: Նշվում է նաև, որ առաջին չափաբաժինը Հայաստան կմատակարարվի 2021թվականին:

 

Ավելի վաղ ՀՀ առողջապահության նախարար Արսեն Թորոսյանը չէր հերքել այդ մտադրության մասին: Ավելին, նշել էր, որ եթե հաջողվի այն ձեռք բերել, ապա դա կհամարվի հաջողված գործարք, քանի որ շատ երկրներ կան, որ պատրաստ են կանխիկ գումարով բավական մեծ չափաքանակ գնել, ինչի պատճառով հնարավոր է փոքր պետություններին անգամ բաժին չհասնի պատվաստանյութը:

 

Այն, որ COVID-19 կոչվող վիրուսի թեմայով դեռ շատ ջրեր կհոսեն, հստակ է, բայց որ Հայաստանի Առողջապահության նախարարությունը այդքան ջանք կարող էր գործադրել COVAX FACILTY-ի հիմնադրամի հետ համաձայնագիր ստորագրելու և COVID-19-ի դեմ պատվաստանյութի առաջին խմբաքանակից ձեռքբերելու համար, տարակուսելի է։ Տարածված տեղեկության համաձայն նախատեսվում է գնել շուրջ 600 հազար դեղաչափ՝ ռիսկի խմբերում գտնվող շուրջ 300 հազար անձի համար` յուրաքանչյուրի հաշվով երկու դեղաչափ հաշվարկով։ Ըստ նախնական տվյալների պատվաստանյութի ձեռքբերման ընդհանուր արժեքը մոտավորապես կկազմի 6 միլիոն 330 հազար ԱՄՆ դոլար: Մեկ դեղաչափի միջինացված արժեքը` 10.55 ԱՄՆ դոլար է, որը նաև կարող է նաև բանակցությունների արդյունքում նվազել։

 

Նախատեսվում է այն ստանալ 2021 թվականին, երբ արդեն ավարտված կլինեն անվտանգ և արդյունավետ պատվաստանյութերի լիցենզավորման ու կիրառման թույլտվությունները: Որ այն կարժանանա տխրահռչակ գարդասիլի ճակատագրին՝ միանշանակ է: Բայց, հասկանալի չէ, թե ինչու են Հայաստանի իշխանությունները շարունակում գերազանցիկ հոկտեմբերիկի նման առաջ նետվել մի դաշտ, որից ավելի շատ պետք էր ձեռնպահ մնալ, քանի որ թե՛ COVID-19-ի, թե՛ առավել ևս, դրա դեմ պատվաստվելու համար հապճեպ պայմաններում արտադրվող պատվաստանյութի շարժառիթների բացահայտման մեծ կարիք կա: Հարցն ավելի է սրվում, երբ գնալով ավելանում են գերմանացի, ամերիկացի, բրիտանացի շատ բժիշկների ուսումնասիրությունների արդյունքները, որոնք սկսել են խոսել այն մասին, որ մարդիկ ոչ թե վիրուսի պատճառով են մահացել, այլ Առողջապահության համաշխարհային կազմակերպության կողմից տրամադրած սխալ ցուցումների:

 

Այսինքն, դեռ բազում ստվերային հարցեր կան, որոնք պետք է պարզաբանվեն և այս ֆոնին, ամենևին էլ կարիք չկա առաջինը նետվել մի դաշտ, որտեղ առաջիկայում շատ գերտերությունների շահեր են բախվելու: