Մենք պահանջատեր ենք և պատմական անարդարությունները ճշտելու առաքելություն ունենք. Անահիտ Եղոյան

 

- Կուզեի շեշտել, որ Հայաստանի խորհրդային Հանրապետությունը Հայոց Պատմության մեջ իր բոլոր անցանկալի երեկույթներով հանդերձ Անկախ Հայաստանին է ժառանգել 3,8 մլն ազգաբնակչություն, 14 բարձորակ ԲՈւՀ, ատոմակայան, քաղավիացիա, խոշոր ինդուստրիա,զարգացած գյուղատնտեսություն, սակայն ամենագնահատելին հայրենասեր, հայապաշտ ու ազգապաշտ հայաստանցիներ։ Ինչո՞ւ չասացի հայեր, քանզի ապագան ապացուցեց,որ հայաստանցի ռուսը, հայաստանցի ասուրին նույն հայաստանասերն էին, որքան նժդեհապաշտը, անդրանիկապաշտը։ Փոխվեց արժեհամակարգը, որին ընտելանալը, համակերպվելն ու ադապտացվելը իրավացիորեն բոլորին չէր տրված, ինչպես շարքային քաղաքացուն, այնպես էլ՝ քաղաքական էլիտային։

 

 

- Ես սկսեցի ընդհանրականից,որպեսզի թվարկածս փաստերը ավելի հիմնավոր ընկալվեն ։ Կոնկրե՞տ: Ուրեմն՝ կոնկրետ։ Անկախության ձեռք բերմանը նախորդել էին սպիտակի կործանիչ երկրաշարժը, ղարաբաղյան շարժումը և կենտրոնական իշխանությունների հակաազատագրական քաղաքականությունն իր բոլոր դրսևորումներով՝ թե՛ ուղղակի հալածանքների և թե՛ «հայ ագրեսոր» պիտակավորումը։ Ինչևէ։ Դիմակայեցինք, չընկերկեցինք … Չունեինք բանակ, չունեինք պաշտոնական հայաստանյան ազգային մշակված ռազմաքաղաքական, տնտեսական տեսլական։

 

- Ընդունված է դրան ասել՝ հայի ճակատագիր:

 

- Հարկավ հայի ճակատագիր և հայ անկոտրում ոգու փաստագրում։ Կարող եմ շատ մանրամասնել: Մեր կուսակցությունը արատավոր երևույնթերը մշտապես հիմնավոր քննադատության է ենթարկել, որը վկայում է կուսակցության կողմից օբյեկտիվ գնահատելու կարողության մասին։ Մի քանի դրական  փաստեր արձանագրենք ընդամենը: Նախ՝ որ Հայաստանի Հանրապետությունը ՄԱԿ-ի անդամ երկիր է։ Երկորդ՝ մեր երկիրը Եվրախորհրդարանի անդամ է։ Երրորդ՝ Հայաստանը համագործակցում է միջազգային հեղինակավոր կառույցների հետ: Մենք նաև ՀԱՊԿ անդամ պետություն ենք և ՌԴ-ի հետ ռազմավարական և ռազմաքաղաքական, ինչպես նաև ռազմական ստրատեգիական գործընկեր է: Ձեռքբերում է նաև այն, որ Հայաստանը Եվրասիական տնտեսական միության լիիրավ անդամ է։

 

 

- Անկեղծ ասած՝ միտումնավոր, Արցախի նվաճումների մասին ցանկացա վերջում խոսել, քանզի Արցախի Անկախ Հանրապետությունը 20-րդ դարի վերջի և 21-րդ դարի համայն հայության ձեռքբերումների թագն ու պսակն է։ Թե՛ ռազմի դաշտում, թե՛ հրադադարից հետո Արցախը վերահաստատեց հայի անպարտելիությունն ու անմահությունը։ Աշխարհը զարմացավ, թե ինչպես քաղաքական քարտեզի վրա չնշված և չերևացող մի փոքրիկ տարածքի վրա ապրող ժողովուրդ իր ոչ բազմաքանակ ազգաբնակչությամբ պարզեց իր ազատասիրության, ըմբոստության դրոշը հանուն արդար ապրելու իր իրավունքի, ապրելու իր հոգեկերտվածքին հարիր, ազատ, անկախ և անվտանգ երկրում:

 

 

- Ի ամփոփումը մեր այս կարճ զրույցին, անպայման ուզում եմ շեշտել որ մեր բոլոր ձեռքբերումները իրականություն են դարձել ազգի հավաքականության շնորհիվ։ Եվ որպես քաղաքական գործիչ կարող եմ ասել, որ ՀՀ երեք նախագահները օբյեկտիվորեն ունեցել են իրենց առանձնահատուկ մոտեցումները ներքաղաքական շրջանակների վրա: Չեմ ուզում այսօր գնահատական տալ, թե դրանք լա՞վ էին, թե՞ վատ, ճի՞շտ էին թե՞ սխալ: Այս պահին խնդիրը դա չէ, սակայն արտաքին հարաբերություններում հիմնականում վարել են կայուն քաղաքականություն։ Աստված տա, որ այօրվա ղեկավարությունը կարողանա պահպանել Հայաստանի՝ որպես հաղթող երկրի դիրքն ու մոտեցումը, քանի որ անկախությունը բոլորիս հաղթանակն է։

Եվ վերջում ցանկանում եմ շնորհավորել Հայաստանի բոլոր քաղաքացիներին, աշխարհի բոլոր հայերին և մեր ազգի բոլոր բարեկամներին մեզ համար անգին, իսկ աշխարհաքաղաքական տեսանկյունից՝ մեծարժեք այս տոնի առթիվ։ Մենք պահանջատեր ենք և մեր հանդեպ պատմական անարդարությունները ճշտելու առաքելություն ունենք։ Իսկ անկախ պետականությունը ոչ միայն ազգի ինքնակազմակերպման բարձրագույն կատեգորիա է, այլ ազգային իղձերի, նպատակների, ծրագրերի իրականացման կարևորագույն կռվանը: Սա նաև «Հայոց Հայրենիք» կուսակցության քաղաքական ծրագրում է արտացոլված, որին մենք ուշ թե շուտ պետք է հասնենք:

 

Արմինե Գրիգորյան