Իշխող թիմում դասական «ստատուսչիներ» են
ՎԵՐԼՈՒԾՈՒԹՅՈՒՆՆԵՐ
ՀՀ-ում տեղի ուենցած իշխանազավթման առաջին իսկ օրից խոսվում է իշխանության եկած թիմի մասնագիտական անփորձության ու պրիմիտիվության մասին։ Դեռևս էյֆորիկ տրամադրություններ, գործող հեղափոխական իշխանություններից սպասելիքներ ունեցող շատերի կողմից հաճախ ենք լսում՝ «հակահեղափոխականներն ամեն ինչ մանիպուլյացնում են», «թողեք՝ աշխատեն», և այլն, սակայն դրան զուգահեռ՝ գրեթե ամենօրյա ռեժիմով ականատես ենք լինում իշխանության տարբեր բարձրաստիճան ներկայացուցիչների հերթական բացթողումներին, անպատասխանատու հայտարարություններին ու գործողություններին։
Ինչպես հայտնի է՝ գործող իշխանությունների ներկայացուցիչներից շատ-շատերը խուսափում են բանավեճային հարթակներում հանդես գալ, ավելին՝ գերադասում են միայն առնչվել այն լրատվամիջոցների հետ, որոնք իրենց անհարմար, սուր հարցադրումներ չեն անի:ԱԺ իշխանական խմբակցության պատգամավորների մեծամասնությունը ներկայացնում է ոչ թե սեփական տեսակետը, այլ՝ ինչպես հրահանգում է իրենց քաղաքական լիդերը։ Հասկանալի է, որ կուսակցական կամ խմբակցության ֆորմատով հանդիպումների ժամանակ տրվում են հանձնարարականներ՝ ով ինչ «գծի մեջ» խոսի՝ հիմնականում բացելով Նիկոլ Փաշինյանի կողմից տարբեր առիթներով հնչեցրած թեզերը։
Երկու տարվա ընթացքում «լյապերի» ու անմեղսունակ հայտարարությունների պակաս չունեցանք, քանի որ իշխանական ներկայացուցիչների հիմնական «սաստավի» բանավոր խոսքը մի քանի կիլոմտրով հեռու է քաղաքականապես հասուն մարդու լեքսիկոնից և ոչնչով չի տարբերվում կենցաղային մակարդակից։ Վստահաբար կարող ենք փաստել, որ ներկա կառավարական ապարատում բացի Նիկոլ Փաշինյանը և մոտ մեկ տասնյակի հասնող իշխող բուրգում գտնվող անձանց, մնացած սեգմենտն ամբողջությամբ պատկանում են միջին չափի հայերեն իմացող և որոշ չափով արտասահմանյան ֆիլմեր նայած շարքային «ստատուսչիների»։
Անահիտ Աղեկյան
