Նրանք Ձեզ «жертва» են տալիս․ Մարինա Խաչատրյանի բաց նամակը՝ Փաշինյանին
ՀԱՍԱՐԱԿՈՒԹՅՈՒՆ«Առողջ հանրություն» ՀԿ նախագահ Մարինա Խաչատրյանն իր ֆեյսբուքյան էջում բաց նամակով դիմել է ՀՀ վարչապետ Նիկոլ Փաշինյանին։
Ստիպված եմ կրկին հանրայնորեն դիմել Ձեզ, քանզի տեսնում եմ, որ մոլորված եք Ձեզ համար «անսպասելի» այս իրավիճակում, քանզի տեսնում եմ, որ գիտակցում եք. շրջապատված եք ամեն օր Ձեզ խաբող արյան ծարավ ոհմակով, որի անդամներն աչքները դրել են Ձեր աթոռակին։
Լինելով կիսագրագետ մարդ, ով որոշակի առևտրի միջոցով հասել է վարչապետի աթոռին` Դուք իրավունք ունեք վախենալու այն հանգամանքից, որ Ձեզ խաբել են, խաբում են ու շարունակելու են խաբել։
Դուք հստակ գիտակցում եք, որ գտնվում եք գործակալական և աղանդավորական ծուղակի մեջ, որից ելքը լինելու է խիստ ցավոտ, գուցե և անհնարին։
Ձեր փառասիրությունը ոտնահարվում է Ձեզ հրաման տվողների կողմից նոր ֆավորիտներ առաջ քաշելու հանգամանքով։ Այո՛, Դուք լավ եք գիտակցում, որ այլևս նրանց «սիրելին» չեք, և հերթական քաղաքական տեխնոլոգիաների օգնությամբ սկսվել է Ձեզ վարկաբեկելու օպերացիան, որի արդյունքում «Ձեր» ժողովուրդը պահանջելու է քառատել Ձեզ Հանրապետության Հրապարակում։
Ինձ համար հետաքրքրական է դիտել, թե ինչպես են Ձեր տերերն իրենց ճղճիմ ստրուկ-կամակատարների ձեռքերով ձգում և սեղմում «կախաղանի պարանը» Ձեր պարանոցի շուրջ։ Հատկապես ակնառու է ծյոպիկական խունտայի դերակատարումն այս գործում։
Ինչևէ, ես բազմիցս եմ ասել. ընկածին չեմ հարվածում, այլ ձեռք եմ մեկնում։
Ցանկանում եմ Ձեզ ներկայացնել Ձեր հնարավոր փրկության տարբերակներից մեկը։ Ավելին, պահանջում եմ, որ կատարեք այն, ինչի մասին հիմա կխոսեմ։
Դուք Հայաստանում բոլորից լավ գիտեք, որ իմ գործունեությունն անկախ է, անում ու ասում եմ այն, ինչ ես եմ համարում կարևոր ու անհրաժեշտ։
Ձեր իսկ կառավարության կողմից ամենօրյա ռեժիմով ներկայացվում է Կորոնավիրուսային վարակից մահացած անձանց մասին տեղեկատվություն։ Բոլոր մահացած անձինք 60 տարեկանից բարձր են։ Ավելին, հենց Դուք և Ձեր նախարարն եք նշում, որ ռիսկային խումբ են կազմում 60-ից բարձր անձինք։
Ես պահանջել եմ կազմակերպել համայցեր կալանավայրերում` առանձնակի ուշադրություն դարձնելով նախնական կալանքի տակ գտնվող անձանց վրա և ազատ արձակել նրանց` առաջնորդվելով մարդու բարձրագույն` կյանքի իրավունքի` Սահմանադրությամբ ամրագրված կետով։
Այս պահին կարևոր հարցերի շարքին է դասվում ՀՀ երկրորդ նախագահ Ռոբերտ Քոչարյանի ազատումը կալանքից։
Սա բխում է առաջին հերթին Ձե՛ր շահերից, պարո՛ն Փաշինյան։
Նախ, Դուք, որպես ՀՀ ներկայացուցիչ ունեք պարտավորություններ միջազգային ասպարեզում, ավելին` մշտապես թմբկահարում եք մարդու իրավունքների կարևորության մասին։
Սակայն, երբ գործը հասնում է պրակտիկ կիրառմանը, Ձեր ուշադրության կենտրոնում են հայտնվում միայն սեռափոխ մարմնավաճառները։ ՀՀ մյուս բոլոր քաղաքացիներն իրենց իրավունքներով դուրս են մնում Ձեր տեսադաշտից։
Երկրորդ, Ռոբերտ Քոչարյանը 60-ն անց է և ունի առողջական խնդիրներ։ Եթե, Աստված մի արասցե, նրա հետ մի բան պատահի, ապա, ես խորապես համոզված եմ, որ Դուք կկանգնեք լրջագույն խնդիրների առջև և՛ օրենքի առաջ, և՛ միջազգային տրիբունալի առաջ։ Չեմ բացառի վենդետաները, որոնց մասին չէի ցանկանա անգամ մտածել։
Ընդ-որում, Ձեր գործունեության խարանն ու ողջ բեռը կրելու եք ոչ թե Դուք, այլ Ձեր սերունդները։ Ես ի սրտե դեմ եմ թշնամանք ու ատելություն սերմանելուն մեր հայրենակիցների միջև։ Բայց տարիների ընթացքում կաթիլ առ կաթիլ այդ ատելությունը սերմանել եք Դուք, Լևոնը, Սորոսի ձագերը, աղանդավորները, ադրբեջանի հայախոս գործակալները և էլի մի քանի մանր-մունր մեյմուն։
Ես շնորհակալ եմ, որ Դուք ինձ ապացուցեցիք, որ Ռոբերտ Քոչարյանի դեմ տարիներ շարունակ հորինվել են հեքիաթներ ու իմ նման մարդկանց մեջ փորձ է արվել սերմանել անհանդուրժողականություն նրա նկատմամբ։ Սակայն, ինչպես կյանքը ցույց տվեց, երկրորդ նախագահը խիստ սկզբունքային մարդ դուրս եկավ, ու Դուք ոչ միայն չկարողացաք հայերիս ցույց տալ նրա կատարած որևէ հանցանք, այլև Ձեր հակաօրինական վարքագծով ապացուցեցիք, որ Քոչարյանը պատանդ է։ Ավելին` քանի-որ ես համոզմունք ունեմ, որ Ձեր ձեռամբ մեր երկիրը կառավարում են թուրքի գործակալները, ապա Ռոբերտ Քոչարյանը հանդիսանում է ռազմագերի։
Պարո՛ն Փաշինյան, մնալով բացարձակապես չեզոք մարդ և ծառայելով միմիայն Հայաստանի Հանրապետությանը, Հայ ազգին ու ՀՀ օրենքներին, ես պահանջում եմ Ձեզնից ազատագրվել Ձեր բոլոր տերերից և ծառայել միմիայն Հայաստանի Հանրապետությանն ու ՀՀ Սահմանադրությանը։
Ես պահանջում եմ անհապաղ ենթարկվել իրավական և բարոյական օրենքներին` ապահովելու համար Ձեր սերունդների ապագան, և անմիջապես դադարեցնել քաղաքական հետապնդումը թուրքերի կողմից Հայոց հողում պատանդ վերցված Արցախի առաջին ու Հայաստանի երկրորդ նախագահին։
Պարո՛ն Փաշինյան, հետևելով իմ նամակին, Դուք ինձ հնարավորություն կտաք վաղը նույն կերպ պաշտպանել Ձեզ և Ձեր ընտանիքը։
Ուզում եմ, որ խորապես գիտակցեք. Դուք այլևս Ձեր տերերին պետք չեք, Դուք նրանց համար սպիտակ զինվորիկ եք խաղասեղանին և հիմա նրանք Ձեզ «жертва» են տալիս։ Փորձեք Ձեր հաջորդ քայլն իրականացնել ինքնուրույն` առաջնորդվելով սեփական տրամաբանությամբ։ Մտածեք ու կհամոզվեք, որ ես իրավացի եմ։
Հ.Գ. Հույս ունեմ Ա.Դանիբեկյանն աբորտից հետո արագ է ապաքինվում»։
