Այսօր «Մարտակերտի փրկիչ»-ը կդառնար 30 տարեկան

Այսօր Ապրիլյան պատերազմի հերոս Արմենակ Ուրֆանյանը կդառնար 30 տարեկան:

Ուրֆանյանը ծնվել է 1990 թվականի հունվարի 28-ին, Երեւանում: Նա զբաղվել է թեյքվանդոյով սամբոյով եւ ձյուդոյով: Դպրոցն ավարտելուց հետո ընդունվել է Երեւանի Վազգեն Սարգսյանի անվան ռազմական ինստիտուտի Հրետանային զորքերի ֆակուլտետ, ապա տեղափոխվել Հետեւակազորի բաժին: Ռազմական ինստիտուտն ավարտելուց հետո Արմենակը մեկ6 տարեկանում Ուրֆանյանը կապիտանի կոչում ուներ, վաշտի հրամանատար՝ առաջնագծում:

Իր հրամանատարությամբ ծառայող զինվորներին ասել է. «Եթե դիվերսիա լինի հիշեք, ձեր միակ փրկության ուժը նռնակի մեջ է»:

Ապրիլի 2-ի լույս 3-ի գիշերը կապիտան Արմենակ Ուրֆանյանի հրամանատարությամբ գործող 7 հոգուց բաղկացած վաշտը կասեցնում է Մարտակերտի դիրք ներխուժելու բոլոր ջանքերը:

Կապիտանը հրամայել էր չնահանջել և ընդունել մարտը՝ գիտակցելով, որ, եթե այդ մարտական դիրքը հանձնվի հակառակորդին, մնացած մարտական դիրքերը կշրջափակվեն հակառակորդի կողմից:

Անհավասար կռվում Ուրֆանյանի հետ զոհվում են նաև նրա հրամանատարությամբ կռվող Քյարամ ՍԼոյանը, Ռոբերտ Աբաջյանը, Անդրանիկ Զոհրաբյանը: Նրանց անվանում են  «Մարտակերտի փրկիչներ»:

Արմենակ Ուրֆանյանը զոհվել է արկի պայթյունից:

2016 թվականի մայիսի 28-ին Արմենակ Ուրֆանյանը Սերժ Սարգսյանի կողմից հետմահու պարգեւատրվել է «Մարտական խաչ» 1-ին աստիճանի Հայաստանի Հանրապետության պետական շքանշանով։